Ang upcoming series ni Heart Evangelista na Heart World ay isang vlog-style show na mismong ang aktres ang nag-produce.
Mapapanood rito ang mga travels niya, pati na rin ang mga never-seen-before footage sa mga Fashion Week shows na kanyang dinaluhan.
Maipapakita rito ang kanyang apartment sa Paris, maging ang mga snippets sa pribado niyang buhay.
"Very authentic" ang paglalarawan ni Heart sa ten-episode reality series na mapapanood sa GMA-7 simula sa Sabado, October, 26, 2024, at 9 p.m.
Siyempre, tampok rin dito ang kanyang asawa, si Senate President Chiz Escudero.
Sa naganap na presscon kanina, October 22, 2024, sa The Westin Manila sa Ortigas Center, Mandaluyong, magiliw na sinagot na Kapuso star ang mga tanong lalo na tungkol sa kanyang fashion journey.
May isang bahagi ng teaser video na medyo naging emotional si Heart.
Hindi na siya nag-elaborate kung bakit, pero mahihinuhang may kinalaman ito sa dating miyembro ng kanyang glam team na sina Justin Soriano at Jeck Aguilar—na nakatrabaho niya sa loob ng halos apat na taon.
Sa panahon ng pandemic, kasama sila ni Heart nung nagkaroon ng lockdown at quarantine.
Read: IN PHOTOS: Heart Evangelista and glam team's happy moments prior to falling-out
(Heart Evangelista with former makeup artist-photographer Justin Louise Soriano and former hairstylist Jeck Aguilar)
Nung tanungin ng executive editor ng PEP.ph (Philippine Entertainment Portal) na si Karen Caliwara kung ano talaga ang nangyari, hindi siya nagbigay ng detalye.
Saad ni Heart tungkol sa kanilang falling-out, "I cannot pinpoint what exact crime was committed, you know, because I let it happen. It was still me who decided it.
"But you have to be careful. Masira na buhay ko, huwag lang masira pamilya ko."
Read: Heart Evangelista rails at "bastos" people who cannot be trusted
HEART EVANGELISTA TALKS ABOUT "EMOTIONAL TERRORISTS"
Aminado si Heart na hindi ito ang unang beses na na-involve siya sa isang hidwaan.
Sabi niya, "Well, most definitely, my past and present is part of my story.
"So as much as possible, I will show everything on the hard road.
"And I guess, really and truly, the moral lesson of the story, like, for me, in a nutshell, I consider myself... medyo beterana na rin ako sa industrya.
"I've been here for what? Almost 27 years. That's a long time for me.
"And I've been through a lot. I've met different kinds of people, some stay, some go."
At dapat daw ay mag-ingat sa mga taong pagkakatiwalaan.
Huwag daw hayaang makapasok sa circle of friends ang mga "emotional terrorists."
Paliwanag ni Heart, "...you have to truly be careful who you trust and who you freely give your heart away.
"Because sometimes, may mga papasok na rin na mga emotional terrorists that are there to kill and destroy your life.
"And you have to be wary of that. Maybe not for yourself, but for the people in your life that matters, because mahirap talaga kapag ang isang tao naman na may pinagdadaanan na hindi niya kayang dalhin ang sarili niya.
"And hindi mo alam ang gagawin mo. So, maybe not for myself, but for the people around me, my husband, my family.
"If there's anything I regret in my life, it's I put everybody at risk. I put our family at risk.
"Because I love certain people that... So beware of emotional terrorists, because they do exist."
Sina Justin at Jeck ay glam team na ngayon ni Pia Wurtzbach, kaya may babala siya sa beauty queen, "Sana, sana hindi mangyari sa iyo yung nangyari sa akin."
Read: Heart Evangelista addresses rivalry issue with Pia Wurtzbach
THE LONG-STANDING ISSUE OF HEART VS GLAM TEAM
Nananatiling malabo ang tunay na dahilan sa likod ng hidwaan ni Heart at ng dati niyang glam team.
Ang unang lumabas na balita ay dahil sa na-max out daw ang paggamit sa credit card ni Heart.
Matatandaang noong July 2023, nag-post ng video sa Tiktok si Heart kalakip ang caption na (published as): "Yung ready ka na sana mag waldas Dahil may mga nangago sayo pero nakalimutan mo may na 24 months to pay na pala sa credit card mo."
Pero mariing pinabulaanan ito ni Justin sa comments section ng isa niyang Instagram post.
Aniya (published as is), "Dear sya lang ang nagmamaxout ng credit card niya. Wala kami paki sa credit card nya."
Ang sumunod na speculation ay may kinalaman sa pagnanakaw umano ng "contacts at connections," na sinagot din ni Justin sa isang mahabang comment noong October 14.
Aniya, malawak ang koneksiyon ng husband ni Pia na si Jeremy Jauncey, pero hindi raw sila yung type to "use" people and "take advantage" of them.
Ang sabi pa ni Justin without mentioning names, “Don't change the narrative.”