Dumating na sa Pilipinas ang Filipino-American singer-songwriter and actress na si Olivia Rodrigo para sa kanyang sold-out GUTS World Tour na gaganapin sa Philippine Arena sa Bulacan, sa Sabado, October 5, 2024.
Nitong gabi ng Huwebes, October 3, nakunan ng video ang pagdating ni Olivia sa NAIA (Ninoy Aquino International Airport) kasama ang kanyang boyfriend, ang British actor na si Louis Patridge.
Sa mga kuhang video ng netizens sa social media, makikita sina Olivia at Louis na magka-holding hands habang papalabas ng NAIA.
Read: Andrea Brillantes denies early access to GUTS concert tickets
Bago ang paglapag ni Olivia sa bansa, isang patikim na video ang in-upload ng singer sa TikTok kunsaan makikitang dina-dub niya ang naging interview noon ni Cameron Diaz tungkol sa naging karanasan nito sa Pilipinas, kabilang na ang pagkain niya ng Filipino side dishes gaya ng lumpia at adobo.
Mababasang caption ng "Traitor" singer (published as is), "on my way to the philippines!!!! im sooooooo excited!!!!"
Read: Olivia Rodrigo fans storm online to get concert tickets
OLIVIA RODRIGO AND LOUIS PATRIDGE ENJOYING STAY IN THE PHILIPPINES
Samantala, tila unti-unti nang ini-enjoy nina Olivia at Louis ang pagbisita nila sa Pilipinas sa pamamagitan ng paglilibot sa ilang tourist spot sa Maynila at pagtikim sa mga pagkaing Pinoy.
Pagdating na pagdating ni Olivia sa bansa ay agad niyang tinikman ang kilalang dessert ng Pilipinas, ang halo-halo.
Makikita ito sa kanyang Instagram Story nitong October 3.
Ani Olivia, "Halo-halo secured!!! So excited to be in the Philippines."
May ilang netizens ding nakakita kay Olivia sa isang mall.
@hannah.carlos while i really wanted to hear your music live, meeting you was a dream come true @Olivia Rodrigo ? original sound - Hannah Carlos
Si Louis naman ay naispatang naglalakad mag-isa sa Makati.
Umaga ngayong Biyernes, October 4, namataan naman sina Olivia at Louis na bumisita sa Intramuros sa Maynila.
Dito ay hindi pinalampas ni Olivia na subukang sumakay sa bisikleta.
OLIVIA-LOUIS RELATIONSHIP
Noong October 31, 2023, unang beses na maugnay sa isa't isa sina Olivia at Louis.
Ito'y matapos lumabas sa exclusive report ng The US Sun, isang entertainment website sa United States, na nasa dating stage ang dalawa.
Si Olivia ay kilala sa kanyang mga kantang "Drivers License," “Good 4 U,” “Traitor,” "Happier," “Deja Vu,” “Enough for You," "Vampire," at "Brutal."
Si Louis naman ay kilala bilang aktor sa mga pelikulang Enola Holmes (2020), at Enola Holmes 2 (2022).
Ayon sa source ng British online site, nagkakilala at nagsimulang mag-usap ang dalawa dahil sa common friends.
Sinasabing kamakailan ay lumipad patungong London si Olivia para dalawin at makita si Louis.
Read: BTS' V "flirts" with Olivia Rodrigo at 2022 Grammys; "Filipina" and "Traitor" trend on Twitter
Mababasa sa report ng The US Sun, “Olivia flew to London with her best pal, singer Conan Gray, but it was Louis who she came to see.
“They met through mutual pals earlier in the year and have been messaging quite a bit.
"She has spent a few days in the capital hanging out with them all but it’s been Louis who she has been inseparable from."
Dagdag pa nila, “They have been for dinners and nights out. They hit a club together on Friday night and were acting very coupley.
"It’s really sweet to see her happy.”
Read: Bretman Rock takes another swipe at Vanessa Hudgens: “Who was that?”
Kasunod nito, kumalat sa Twitter ang litrato ng isang babae at lalake na tinutukoy na sina Olivia at Louis.
Kuha raw iyon sa London, na nagpatibay sa hinala ng netizens na may espesyal silang relasyon.
Sa litrato, makikita ang babaeng nakayapos sa bewang ng isang lalaking hindi kita ang mukha. Papasok ang mga ito sa isang gusali.
