Tinuldukan nina Cristine Reyes at Marco Gumabao ang usap-usapang nagkakalabuan na sila.
Matatandaang nag-deactivate si Cristine ng kanyang Instagram account nitong nakaraang Miyerkules ng gabi, August 14, 2024.
Nag-alala ang fans dahil iyon ang araw ng 30th birthday ni Marco, pero mukhang hindi sila magkasama ni Cristine.
Read: Cristine Reyes shows sweet photos with boyfriend Marco Gumabao
CRISTINE REYES: "lunch and dinner dates are a must"
Kahapon, August 16, 2024, nagbahagi sa Facebook si Cristine ng hugging photo nila ng boyfriend na si Marco.
Sa isa pang larawan, makikitang kasama niya ang amang si Romeo Reyes.
Sabi niya sa caption, "lunch and dinner dates are a must on their shared birth date! [hearts emojis] Marco Gumabao"
Sa kanya namang Instagram Story kahapon, nag-share si Marco ng short video kung saan nag-toast sila ni Cristine ng wine.
Nakasulat sa caption niya, "Cheers to 30!"
Naka-tag din dito ang naka-private na Instagram account ni Cristine.
Read: Cristine Reyes flexes PDA moment with boyfriend Marco Gumabao
ARA MINA REVEALS WHY CRISTINE DEACTIVATED HER INSTAGRAM
Nauna nang nagpaliwanag ang kapatid ni Cristine na si Ara Mina sa PEP.ph (Philippine Entertainment Portal) kung bakit dine-activate ng nakababatang kapatid ang kanyang account.
Ayon kay Ara, "Ayaw niya muna mag-social media."
Dagdag pa ni Ara, masyadong naka-focus si Cristine sa pelikulang The Kingdom na official entry sa Metro Manila Film Festival (MMFF) 2024.
Bida sa The Kingdom sina Vic Sotto at Piolo Pascual. Co-stars dito sina Cristine, Sue Ramirez, at Sid Lucero.
Ito ay sanib-puwersa ng APT Entertainment, MZET TV Productions, at MQuest Ventures.
Read: MMFF 2024: May mga nagbabalik at may mga bagong kumbinasyon
Pinabulaanan din niyang nagkakalabuan sina Cristine at Marco.
Aniya, "Ok sila, walang problem, she’s concentrating lang sa movie na ginagawa niya.”
Read: Ara Mina reveals why Cristine Reyes deactivated her IG account