Bilang isa sa original Regal babies, maraming magagandang alaala si Snooky Serna sa namayapang Regal matriarch na si Mother Lily Monteverde.
Si Mother Lily raw ang tinuring niyang pangalawang ina na naging malaking bahagi ng kanyang karera bilang isang aktres at bilang isang tao.
Nakapanayam ng PEP.ph (Philippine Entertainment Portal) si Snooky sa unang gabi ng lamay, August 5, 2024, para sa ng namayapang producer sa 38 Valencia Events Place, events place at residence ni Mother Lily sa Quezon City.
Balik-tanaw ni Snooky: "Siguro, one... yung time na I went into a deep depression. Nagloka-lokahan ako at that time.
"I just had a bad breakup, a bad breakup with Albert Martinez at that time. One year akong nagkulong.
"And then itong si Mother, almost every day, no exaggeration, nasa labas siya ng sala sa labas ng room ko.
"Nasa sala area namin siya, natutulog si Mother dun just for me to snap out of my depression.
"For one year yun, magdadala siya ng food, sila ni Tita Inday Badiday, hindi ko makakalimutan yun."
"Tapos she would offer me to go to States, to Hong Kong, just to get out of my room."
MOTHER LILY WAS LIKE A SECOND MOTHER TO SNOOKY
Iba raw ang pagkalingang ipinaramdam sa kanya ng namayapang movie producer.
"I was so thankful up to this moment forever kay Mother Lily para ako mag-survive nung mga time na yun na hindi ko akalain na masu-survive ko.
"When you were young and in love, first heartache mo, first breakup mo, feeling mo yun na ang katapusan ng mundo mo.
"Pero si Mother din ang tumayong second mom ko talaga na, 'Hindi, you can do this, let's pray.'
"She's always been like my mom, a second mother to me."
Kaya raw ganoon na lang ang pagdadalamhati ni Snooky sa pagpanaw ni Mother Lily.
"Honestly, I am floating, parang wala ako sa sarili ko," saad ng aktres.
"I'm trying to be okay but I'm not okay because I lost my parents all over again.
"Kamakailan lang namatay si Father Remy Monteverde, tapos two days or one day after, yung nanay ko naman ang nawala."
Ang tinukoy ni Snooky na "Father Remy Monteverde" ay ang mister ni Mother Lily.
Pumanaw si Father Remy noong July 29, at inilibing noong Sabado, August 3.
Read: Remy Monteverde, husband of Mother Lily, dies at 86
Si Mother Lily ay pumanaw noong Linggo, August 4.
Read: Lily Monteverde, Regal matriarch and showbiz icon, dies at 84
Lahad pa ni Snooky, "Nag-start ako sa Regal Films nung fourteen ako, natapos yung kontrata natin when I was twenty-six.
"So, you could imagine half of my teenage years were spent with Mother Lily Monteverde, with Father, and the whole Monteverde family.
"I know they won't mind if I say that yung pagluluksa ng aking mga adopted sisters and brothers, maybe si Meme, si Roselle, si Dondon, si Minnie, si Goldwin, ganun din yung pagluluksa ko.
"Ganun din yung depth ng pain sa akin talaga."
Read: Eric Quizon reacts to Snooky Serna calling him her "savior"
MOTHER LILY'S ADVICE TO SNOOKY
Kuwento pa ni Snooky, si Mother Lily ang gumabay sa kanya hindi lang sa trabaho kundi sa personal na buhay.
"Si Mother, with all her kaloka-lokahan ni Mother, na masayahin siya, kalog-kalog, mayroon siyang very serious side," balik-tanaw niya.
"Una sa lahat, pinagagalitan niya ako na, sorry to say, but when I was being unprofessional, itinuro sa akin ni Mother na, 'Mahalin mo ang trabaho mo. Maging professional ka sa ginagawa mo, it would love you back.'
"Pangalawa, si Mother, she's also been an instrumental in molding me as a better spirit, as a better Christian.
"Kahit sa Regal Films, mayroon kami nung Regal community, charismatic community, and she founded that.
"Ang dami, talagang typical na nanay sa aming lahat, hindi lang naman sa akin. Kay Inay [Maricel Soriano], kay Dina, kay Aiko, kay Janice, kay Nadia, kay Gretchen. Ang dami niyang anak-anakan."
Iba raw talaga ang pagmamahal ni Mother Lily sa mga artista nito.
"Sa aking personal experience, di kami pera-pera lang. Yung relationship namin went beyond that na ako trabahador niya, siya producer ko.
"Kahit na nung time na sabihin na nating nag-lie low ang career ko, nawala ako, nag-asawa ako, I went through some dark times in my life, hindi nagbago ang pagtingin sa akin ni Mother."
Dagdag ni Snooky, "And siguro yun yung magandang ma-emulate ng mga bagong producers natin. Yung huwag mawawala yung puso ba, na at the end of it all, hindi tayo nasa industriya para lang sa pera.
"Nandito tayo, above all else, to love each other. To help one another. To lift one another up and to do the best we can to make this industry survive.
Read: Who is Mother Lily Monteverde?
LOVE FOR THE FILM INDUSTRY
Hiling ni Snooky, sana ay maipagpatuloy ang legacy na iniwan ni Mother Lily hindi lang sa paggawa ng pelikula kundi ang malalim na malasakit nito sa industriya.
"Let's not forget the contribution of Mother Lily made in the industry...
"Nag-iisa lang siya. Si Mother talaga isa sa nagmamahal at concerned sa kung ano ang mangyayari sa industriya."
"Si Mother kasi hindi tumigil mag-produce, nandiyan pa rin si Roselle, nandiyan si Dondon, iba pang pinagkakatiwalaan niya.
"Let's not give up kasi sayang, mahalin natin ang industriya ng pelikulang Filipino."