Muling pumirma ng kontrata sa GMA Network ang actress-fashion influencer na si Heart Evangelista.
Isang engrandeng pagtitipon ang idinaos sa GMA Studio 7 nitong umaga ng Lunes, July 29, 2024, para sa contract signing ng aktres.
Sa exclusive interview ng PEP.ph (Philippine Entertainment Portal), nagbiro si Heart na lifetime na ang kanyang pinirmahang kontrata sa Kapuso network.
Saad niya, "Matagal. Hanggang sa pagtanda.
"So, as of the moment, nagtatrabaho na ako ng 26 to almost 27 years.
"I'm very grateful."
Read: Heart Evangelista reunites with Asuncion family
Present sa contract signing ni Heart sina GMA Network president and chief executive officer Mr. Gilberto R. Duavit Jr., GMA Network executive vice-president and chief financial officer Mr. Felipe S. Yalong.
Present din si senior vice-president for programming, talent management, worldwide, and support group president and CEO of GMA Films Atty. Annette Gozon-Valdes; GMA Network senior vice-president and head of GMA Entertainment Group Ms. Lilybeth G. Rasonable; vice-president for Entertainment Group’s musical-variety format and Heart Evangelista’s manager Ms. Gigi S. Lara.
DREAM TV PROJECT
Ano ang mga inaasahang proyekto ni Heart na gagawin niya sa GMA-7 sa mga susunod na buwan?
Tugon niya, "Madami kaming gagawin.
"But something that I'm very excited is to do something that's very new to me.
"We're collaborating with a project that I'm very excited, and hopefully meron din kami mga ibang bagay for the bigger screen.
"But it has to be the perfect script, the perfect someone."
Gagawa na ulit si Heart ng pelikula pero paisa-isa lamang daw.
Aniya, "Siguro hindi yung madami.
"Yung mga unfinished business na kailangan tapusin bago tumanda, bumagsak ito [sabay turo sa kanyang mukha]."
May dream project ba siya for TV?
Sagot ni Heart, "Actually, feeling ko madami na ako nagawa, pero may isa na hindi ko pa nagagawa.
"And that is a secret, and that is actually what I will be doing next."