Ipinagdiriwang nina Ellen Adarna at asawang si Derek Ramsay ang ika-6 na kaarawan ng anak ng una na si Elias Modesto Cruz.
Si Elias ay anak ni Ellen sa ex-partner nitong si John Lloyd Cruz.
Nitong nakaraang June 27, 2024, ipinagdiwang ni Elias ang kanyang birthday.
Read: Elias gets double Spiderman-themed birthday parties
ELLEN ADARNA: "YOU DON'T FEED US."
Sa pamamagitan ng Instagram, ibinahagi ni Ellen kung paano nila ipinagdiwang ang birthday ng anak.
Kumain sila sa Miyazaki Japanese restaurant sa Muntinlupa City.
Makikita ring may cake para sa anak kung saan may nakalagay ditong "HAPPY BIRTHDAY ELIAS. #6."
Caption ni Ellen, "Happy Birthday my not so littol boy… forever my baby you’ll be [heart emojis] #6"
Bati ni Derek sa comments section, "Love you Babi [heart emojis]"
Binati rin ng ilang netizens si Elias.
Pero sa gitna ng feel-good vibes, may isa namang netizen na tila naiba ang sinabi.
Comment dito, "His father needs to procure a decent haircut @maria.elena.adarna"
Hindi naman siya inurungan ni Ellen.
Sagot niya dito, "manong, do i need to remind you why minding your own business is important? …… you dont feed us [melting face emoji]"
Sabi naman ni Derek, "I think you just want to use the word "procure" to sound smart. [laughing emoji]"
"MIND YOUR OWN BUSINESS."
Nauna na ring binasag ni Ellen ang trip naman ng isang netizen na punahin kung bakit wala si John Lloyd sa moving-up ceremony ni Elias noong nakaraang June 17, 2024.
Sa Instagram, nagbahagi si Ellen ng larawan nila nina Derek at ni Elias na kuha sa moving up ng anak.
Ayon kay Ellen, ang larawan na kanyang ipinost ay ang katangi-tanging "decent" photo nila sa okasyon.
Aniya, "The only decent moving up photo [laughing with tears emoji]"
Maraming netizens ang pumuri sa kanila dahil maganda raw tingnan ang kanilang pamilya.
Pero may isang netizen na hinahanap si "JL", ang initials ng ama ni Elias na si John Lloyd.
Aniya, "JL should be present"
Hindi ito pinalampas ni Ellen. Ayon dito, hindi ibig sabihin na wala si John Lloyd sa picture ay wala na ito sa okasyon.
Pinayuhan din ni Ellen ang netizen na tinawag niyang "manang" na huwag masyadong makitid ang utak.
Buong komento ni Ellen (published as is), "AND YOU SHOULD MIND YOUR OWN BUSINESS.just because hes not in the photo dsnt mean he was not there . Wag masyadong close minded manang. Present father naman cya meaning present din cya sa lahat ng milestones ng anak nya."