Tinawag na "fake news" ni Claudine Barretto ang isang post tungkol sa diumano'y pagbabawal niya sa mga netizens na dalawin ang puntod ng yumao niyang ex-boyfriend na si Rico Yan.
Nangyari ito matapos maging TikTok trend ang pagpo-post ng mga videos at photos ng pagdalaw sa libingan ni Rico.
Kung pagbabasehan ang edad ng mga netizens na nag-post, obvious na hindi nila naabutan ang matinee idol na namayagpag ang career mula 1996 hanggang 2022.
Pero kung mapapanood ang video, aakalaing ka-close nila si Rico, na pumanaw sa Dos Palmas Resort sa Palawan, noong March 29, 2002, sa edad na 27.
Read: Rico Yan: Gone too soon
"FAKE NEWS!!!!"
Kagabi, July 12, 2024, isang Instagram page na may mahigit 51,000 followers ang nag-post ng screenshot ng diumano'y reaksiyon ni Claudine sa nasabing Tiktok trend.
Ito ang nakasaad sa quote (published as is): "Please respeto kay Yan. Tinalo niyo pa ako sa mga pa-time lapse niyo. Wag niyo ipilit yung pag-alala kay Yan, hindi niyo naman na siya naabutan. Wag niyong gawing content yung puntod niya."
Ang caption ng post: "Pasikat kasi ang Gen Z wala kasi silang respeto...Content pa more"
Pero ayon kay Claudine, hindi sa kanya galing ang quote.
Caption niya sa kanyang Instagram post, "FAKE NEWS!!!! [face screaming in fear emoji]"
View this post on Instagram
Ibinahagi rin ito ni Claudine sa kanyang Instagram Story.
Read:JESSY MENDIOLA CALLS OUT NETIZENS
Samantala, hindi rin ikinatuwa ng akres na si Jessy Mendiola ang paggamit ng ilang netizens sa yumaong aktor para sa kanilang digital content.
Sa kanyang Instagram Story noong July 9, 2024, ni-repost ni Jessy ang isang social-media post na tinutuligsa ang mga gumagawa ng content for clout.
Nakasaaad sa post (published as is), "Newest Tiktok trend: Visiting actor Rico Yan's grave?
"A number of Filipinos have started to post photos and videos of them visiting the late actor Rico Yan's grave as if it were a tourist destination.
"One such example is a video made by a user on TikTok, though the video can no longer be found once searched, and has since been reposted on the app by other accounts.
"The video shows the original poster walking around Yan's grave, placing his hand on his nameplate as well as leaning on top of him."
Sa kaakibat na caption, sinabi ng comebacking actress na hindi kaaya-aya ang Tiktok trend dahil hindi nito nirerespeto ang namayapa gayundin ang naiwang pamilya.
Buong caption ni Jessy: "Wala na ba magawang matino ang mga social media addicts?
"Konting respeto naman sa namayapa na at pati na rin sa pamilya ng yumaong. Susme.
"Lahat nalang ba para sa likes, followers and views? Nakalimutan na yata ng mga tao ang salitang 'respeto'. Wala nang decency."
Read: Jessy Mendiola calls out netizens using Rico Yan for content