Si Bea Alonzo ang bisita ni Boy Abunda sa Fast Talk with Boy Abunda nitong Huwebes ng hapon, Hulyo 11, 2024.
Muling nag-guest ang aktres para i-promote ang Widows' War, ang top-rating primetime drama series ng GMA-7 na pinangungunahan nila ni Carla Abellana.
Read: Bea Alonzo trends on X following Widows' War premiere
Pero hindi napanood sa telebisyon ang mga kaganapan ilang minuto bago sila humarap sa kamera.
BEA ALONZO-DOMINIC ROQUE JOINT STATEMENT
Nangyari ang pag-uusap at paliwanagan nina Boy at Bea, limang buwan matapos maglabas ang aktres at ang ex-fiancé nitong si Dominic Roque ng joint official statement, noong Pebrero 11, 2024, tungkol sa kanilang desisyong maghiwalay at huwag nang ituloy ang plano nilang pagpapakasal.
Nakasaad sa bahagi ng joint official statement nina Bea at Dominic: “Unfortunately some even confirmed our breakup without our consent, created ridiculous stories that had no basis and were utterly false, so we felt the need to share this announcement with great sadness, for our peace of mind and our families."
Read: Bea Alonzo, Dominic Roque mutually end their engagement
Nagkaroon ng mga haka-hakang si Boy ang tinutukoy ng ex-couple na nagkumpirma ng balitang hiwalay na sila pero walang pahintulot mula sa kanila.
Kinumpirma ng Fast Talk host, noong Pebrero 6, 2024, na nagwakas na ang relasyon nina Bea at Dominic.
Read: CONFIRMED: Bea Alonzo and Dominic Roque break up; call off engagement
BOY ABUNDA HUGS BEA ALONZO
Sa live telecast ng Fast Talk with Boy Abunda ngayong Huwebes ng hapon, sinabi ni Boy, “This is the interview that people thought would never happen.”
Pagsang-ayon naman ni Bea, “I know.”
Sabi pa ni Boy kay Bea, “So, let me start by saying that may I have consent to hug you”
Reaksiyon naman ni Bea, “Tito Boy, ang hug, hindi na ipinagpapaalam.”
Ang mga binitawang salita nina Boy at Bea ay tila kumpirmasyong nagkaroon nga ng isyu sa pagitan nila nitong mga nakaraang buwan.
BEA ALONZO ON CONTRADICTING STATEMENTS ABOUT BREAKUP WITH DOMINIC ROQUE
Sa kanilang pag-uusap, sinagot ni Bea ang tanong ni Boy tungkol sa magkaibang pahayag niya tungkol sa paghihiwalay nila ni Dominic.
Sinabi ni Bea sa interbyu sa kanya ni Nelson Canlas ng 24 Oras noong Hunyo 13, 2024, “Hindi ako ang nakipaghiwalay.”
Read: Bea Alonzo denies initiating breakup with Dominic Roque
Pero sa lumabas na artikulo ng isang magazine, sinabi ng aktres, “It was a mutual decision to separate.”
Read: Bea Alonzo not blaming Dominic Roque for their breakup
Tanong ni Boy kay Bea: “How do you connect the two, para lang klaro?”
Sagot ni Bea: “Not that I owe anyone an explanation, I really don’t want to talk about this anymore.
"But to answer your question, baka nga may mga nalilito.
“During the time I did Tatler, that was, like, a month ago. Kasi bago sila makapag-release ng issue or even more, I don’t remember when that was, but medyo matagal na.
“So that was the only time I talked about it because I was asked. I dunno, I kind of talked about it there.
“And then, during 24 Oras interview, I didn’t have the intention to talk about it because nga I really wanted to give respect to the relationship that was.
“But then, may comment si Nelson. Before his comment, we were talking about fake news and all that.
“I’m so comfortable talking to him, as if walang camera sa harapan.
"And then he went, like, ‘Siyempre, ikaw yung nakipag-break. Hindi nila alam mahirap din sa yo.’
“Parang it was like an instinct I had to correct him, but I didn’t have any intention to really talk about it.
"Actually, he had a follow-up question, but then I refused to answer na."
Pagpapatuloy ni Bea tungkol sa breakup nila ni Dominic: “It became a mutual decision eventually. Of course, we worked it out, right?
"It was a very serious relationship obviously so hindi naman siya yung parang… you know, we didn’t take the decision lightly.
"It was a process, it was a long process.
“Eventually, it became mutual. Both parties agreed.”
Read: Bea Alonzo and Dominic Roque: A Relationship Timeline
BEA ALONZO ON LIFE AFTER BREAKUP
“Where are you at this point in your life?” sumunod na tanong ni Boy kay Bea.
Pahayag ng Kapuso actress: “I am just really enjoying my life.
"I guess, I’m embracing the uncertainty, kasi na-realize ko na minsan marami tayong plano sa buhay natin, pero God’s plans are always better.
"And so I’m just here to embrace the uncertainty. Kung ano yung nakalaan para sa akin.”
Tanong ni Boy, “What have you become because of that relationship? We’re talking about Bea after the relationship.”
Ayon kay Bea, “Well, I’ve always known I am resilient, but I didn’t know I’m this resilient.
“Na-realize ko at natutunan ko na i-cancel talaga yung mga noise na hindi kailangan sa buhay ko and just accept or embrace again—the magic word—those opinions that add value to my life.”
Nahirapan naman si Bea na sagutin ang tanong ni Boy na, “If you were to close this chapter of your life, paano mo gagawin? Ano ang sasabihin mo bilang pagsasara ng chapter na ito?
Saad ng aktres, “So hard. I mean, that’s a very hard question.
"But top of mind na naiisip ko ngayon, maraming salamat. I am grateful.
"I am grateful to all the beautiful memories and even the not-so beautiful memories because it made me stronger. It made me who I am right now.
"Yeah… ang hirap ng tanong."
Read: Bea Alonzo sues Cristy Fermin, Ogie Diaz for cyber libel