Libu-libong miyembro ng LGBTQIA+ community ang nakiisa sa Pride Philippines Festival, kaugnay ng taunang Pride Month, na ginanap sa Quezon Memorial Circle nitong Sabado, June 22, 2024.
Sa tala ng Pride PH, ang organizer ng nasabing event, umabot sa 110,000 hanggang 200,000 ang dumalo at nakisaya sa Pride Festival o "Love Laban 2 Everyone."
Read: 9 celebrity parents who embrace and support their LGBTQ+ children
Ngunit ang masayang selebrasyon at protesta ay naantala nang bumuhos ang malakas na ulan.
Dahil dito, nagdesisyon ang Pride PH at Quezon City LGU (Local Government Unit) na kanselahin ang naka-schedule na programa para sa seguridad ng attendees at performers.
VICE GANDA, BINI, JK LABAJO SADDENED BY PRIDE FESTIVAL'S CANCELLATION
Kabilang sina Vice Gandaat JK Labajo, at P-pop girl group na BINI sa mga nalungkot sa biglaang kanselasyon ng programa.
Sina Vice, JK, at ang BINI ang artists na nakatakda sanang mag-perform sa "Love Laban 2 Everyone."
Read: Vice Ganda to perform at Pride event for the first time
Sa pamamagitan ng pag-post ng video sa social media, ipinahayag ni Vice ang kanyang kalungkutan sa hindi natuloy na pag-perform.
Gusto man daw nilang ituloy, prayoridad nila ang kapakanan ng lahat ng dumalo na maaaring magkasakit at mapahamak sa lakas ng buhos ng ulan.
Mensahe ng It's Showtime host: "Magandang gabi, madlang people. Gusto ko pong ipaalam sa inyo na yung Pride event po at yung program sa Quezon Memorial Circle ay officially cancelled na po at hindi na po itutuloy dahil sa tuluy-tuloy at malakas na ulan na nagaganap.
"Hindi na po siya safe ituloy kaya malungkot man kami pero kailangan po natin unahin ang seguridad at safety ng lahat ng taong naroroon.
"Kaya sa lahat ng nag-aabang, paumanhin po na hindi matutuloy ang performance ko at lahat pa sana ng mga magaganap pa sa Pride event.
"Abangan na lang po natin ang announcement ng Quezon City government at ng Pride PH kung ano ang mga susunod nilang mga plano, kung mare-reschedule ba yung mga natitirang performances at kung ano man.
"At sa lahat naman ng nandiyan sa Quezon Memorial Circle, mag-ingat po kayong lahat. Ingatan ninyo ang isa't isa. Siguraduhin po ninyo na makauwi kayo lahat nang matiwasay."
Katulad ni Vice, ikinalungkot din ni JK Labajo ang kanselasyon ng programa.
Sa Instagram Story, nag-post si JK ng larawan niya, kalakip ang mensahe niya sa LGBTQIA+ community.
Mababasa rito (published as is), "malungkot na di nakapag perform sa lovelaban pride march. get home safe everyone. Happy Pride Month [red heart and rainbow emoji]."
Halos ganito rin ang naramdaman ng BINI.
Sa kanilang official Facebook page, ibinahagi nila ang QC goverment at Pride PH advisory at statement kaugnay sa kanselasyon ng Pride Festival event.
Mababasa sa caption ng kilalang P-pop group (published as is), "As much as we were looking forward to perform in tonight’s #LoveLaban2Everyone, we support the decision of the organizers to cancel the event for everyone’s safety.
"Let’s continue to stand for equality and celebrate love in all forms!"
Read: BINI celebrates third anniversary with more than 8,000 fans
Pride is a protest
Nahirapan at nabasa man ang karamihan sa ulan, hindi ito ininda ng LGBTQIA+ members na dumalo sa taunang Pride March at month celebration.
Ilan sa mga ito ay first time na makadalo para isigaw at ipaglaban ang kanilang karapatan bilang mga miyembro ng komunidad.
Tweet ng isang netizen sa X (dating Twitter): "Sobrang lakas ng ulan kaya we left at 5 pm pero sulit ang ilang oras na pakikiisa. Happy to be part of this pride event coz [it was] my first time. #HappyPride."
Sabi ng isa, "First time to join this cause #HappyPride and why not? I’m so proud of you my friends in LGBTQIA+ #LoveLabanSaQC."
Saad pa ng isa, "My first ever pride. here’s to many more. Happy pride, everyone! Ang pride ay protesta!"
"I stood up here at pride march because my younger self couldn't. Na-enjoy ko ang first pride ko, yay!! Happy pride! Ang pride ay protesta!," dagdag pa ng isa.
SOME LGBT MEMBERS EXPRESS DISMAY OVER NON-ALLY ATTENDING PRIDE FESTIVAL
Kung mayroong nasiyahan ay mayroon din namang mga dismayadong miyembro ng LGBTQIA+ community sa mga anila'y dumalo, hindi para makiisa sa protesta kundi para lamang mapanood ang performances ng kani-kanilang idolo.
Read: Vlogger Ser Geybin under fire for "disrespecting" BINI Mikha
Pahayag ng isang LGBT member sa X (published as is), "I’m so pissed for those ppl who went to PRIDE parade just for BINI and not for the advocacy of LGBT. HEYY FOLKS PRIDE PARADE IS A PROTEST FOR LGBT’s RIGHTS NOT A CONCERT! Know the event first before you go! You guys get into my nerves!"
Pagbabahagi pa ng isa, "This is the worst pride event na napuntahan ko di naman ganto last yr HAHA ta*na ISINUSUMPA KO LAHAT NG DI NAMAN ALLY, HOMOPHOBIC TAPOS NANG CLOCLOUT CHASE LANG SA BINI NA PUMUNTA TA*NA NYO BAKLAAN TO EH SAMIN DAPAT TO EH MGA HIBANG! ANYWAYS #HappyPride PA DIN."
Mayroon pang nakaranas umano ng pagku-call out sa loob mismo ng venue na hinala nila'y fans ng BINI na naroon lamang para sa performance ng kanilang idol.
Sabi ng isa, "T*NG*NA BAT MAY MGA BATA SA PRIDE MARCH??? TAPOS DAMI PANG STRAIGHT MEN NA NANUNULAK NA HALATANG BINI LANG ANG PINUNTA. AT YUNG ILAN NICATCALL PA KAMI NG GIRLFRIEND KO. DAFUQ GAMIT NA GAMIT SI ANGER TODAY, FIRST PRIDE MARCH NAMIN TO NYETA.
ITS NOT BINI’S FAULT! GIRLS HAVE BEEN VERY SUPPORTIVE TO OUR COMMUNITY KAHIT NOON PA MAN. YUNG MGA HOMOPHOBIC FANS LANG TALAGA NA HINDI NAIINTINDIHAN KUNG PARA SAAN YUNG PRIDE MARCH."
Panawagan pa ng isa, "it wasnt what everyone expected but somehow the rain was a blessing in disguise for our safety. let’s remember, though, that Pride is a PROTEST. it’s not just an event to watch free concerts. never forget the very essence of Pride."
Saad ng isa, "My only contention for this Pride March is that, most of the people think that it's an event to celebrate, to get a free concert entrance. IT IS NOT! IT IS A PROTEST AGAINST ALL INJUSTICES! I hope that everyone will be reminded of that."
Dagdag pa ng isa, "I hope next pride month event, wag na natin isama yung BINI sa magcoconcert. I mean i'm not against bini, pero kasi nawala yung purpose bakit nagkakaroon ng pride month every year. ITS A PROTEST, PARA SA KARAPATAN NAMING MGA BAKLA YON."
