Humingi ng paumanhin ang PETA (Philippine Educational Theater Association) sa netizen na nagreklamo sa nangyari sa loob ng teatro habang pinapalabas ang One More Chance, The Musical.
Nakita raw ng netizen na pinayagang gumamit ng gadgets ang isang celebrity at ang mga kaibigan nito habang nanonood ng musical adaptation ng pelikulang One More Chance, ang blockbuster movie ng Star Cinema noong 2007 na pinagbidahan nina John Lloyd Cruz (Popoy) at Bea Alonzo (Basha).
Read: Details you need to know about One More Chance: The Musical
Nitong Miyerkules, June 19, 2024, ang netizen, na nagngangalang "B Delgado," ang nagbahagi sa Facebook ng hindi niya magandang karanasan habang nanonood din sa PETA theater.
Himutok ni Delgado, noong una ay nae-enjoy naman niya ang panonood ng One More Chance, The Musical.
Nasira at na-distract lamang daw ang masaya niyang panonood nang may isang celebrity, kasama ang kaibigan nito, na naglabas at gumamit ng gadgets sa kalagitnaan ng play.
Ang mas nakakagalit pa raw rito, naka-full brightness ang mga gamit nilang gadget na nakaka-distract sa mga manonood na nasa kanilang likuran.
Bilang pruweba, in-upload ni Delgado ang kuha niyang litrato, kunsaan makikita rito na nasa unahan niya ang sinasabi niyang celebrity at kaibigan nitong gumagamit ng gadgets.
Magkatabi ang aniya'y celebrity at kaibigan nitong gumagamit ng cellular phone habang ang isa pa sa harapan nito ay nagla-laptop.
Read: Lea Salonga says audiences using cellphones during performances have "zero breeding"
DELGADO CALLS OUT PETA
Sa inis, si Delgado na raw ang sumaway sa tatlong nasa harapan niya dahil ni wala raw usher na taga-PETA ang sumasaway sa mga ito.
Ngunit imbes na tumigil, ang isa raw sa tatlong sinaway niya ay tiningnan pa siya nang masama.
Mababasa sa viral Facebook post ni Delgado, published as is: "Congratulations to the cast & crew of ONE MORE CHANCE.
"To be fair, the show was good. At least Act 1 was kasi yun lang naman napanood ko. As a Ben & Ben and One More Chance fan, I waited so long to finally watch it.
"I even posted a video when they announced it at the closing show of Walang Aray. Before I could even ask my family and friends, I bought tickets already for all of them. I was THAT excited.
"But all was ruined in act 2. This was my view from “Ride Home” until the iconic “you had me at my best..”.
"Wala akong ma absorb sa act 2 until the end na nung nagkabalikan na si Popoy at Basha because there were 2 phones on full brightness and a freakin laptop! They weren’t gona stop until I tapped their shoulder.
"Ano yun, Philippine Educational Theater Association (PETA)? When it’s a nobody, your ushers weave through the crowd to stop them but when it’s a celebrity and friends, dedma nalang?
"They were seated on the house seats so there was an usher beside them.
"On top of that, the short haired b***h had the audacity to look back, gave me a death stare and head to toed me. Not once, but twice! As in ang tagal ng stare niya!"
Dahil sa nangyari, kinuwestiyon ni Delgado kung bakit hinayaan ng PETA na mangyari ito, gayong nasa theater ettiquette na bawal gumamit ng cellphone o anumang electronic devices na makaka-distract sa mga aktor na nagpe-perform at sa audience.
Nanggagalaiti niyang sabi: "Sabihin na natin that these people really don’t have theatre etiquette coz clearly, none talaga! This is where I blame PETAs ushers!
"You’re not there to watch the show. May trabaho kayo! Bakit hindi niyo pinigilan? Bakit hindi niyo inisip the audience around these uneducated people?! I paid to see the show not f*ck*n gadgets!
"I snapped this pic when the house lights were on to show how bright their screens were. Imagine when the house lights were down?!
"Worst theatre experience ever. Thank you PETA!"
NETIZENS GUESS AT THE CELEBRITY
Bagamat hindi pinangalanan ni Delgado kung sino ang celebrity na tinutukoy niyang wala umanong "theatre etiquette," may ilang netizens ang namukhaan daw ito base sa in-upload na mga larawan.
Ayon sa netizens, ang celebrity sa harapan ni Delgado ay walang iba kundi ang aktres na si Ara Mina, at ang katabi raw nitong gumagamit din ng cellphone ay isa sa malapit niyang kaibigan.
Read: Former bold star Lala Montelibano tells story of Ara Mina helping her
Komento ng isang netizen sa post ni Delgado, "Ahhhh kasama niya yung group ni Ara Mina! Why was she doing that in the theater? May official business ba sila?"
Sabi pa ng isa, "Money really cannot buy class/etiquette."
Saad pa ng isa, "It's pretty bad. This is not only a disrespect to the audience but also to the performer. You're not here to make the game a sound... Fool."
Wala pang anumang kumpirmasyon mula sa PETA kung tama ang hinala ng netizens.
PETA APOLOGIZES
Gayunpaman, mabilis na nakarating sa PETA ang reklamo ni Delgado, kaya naman agad-agad din silang nagpaliwanag at humingi ng paumanhin.
Sa comments section ng FB post ni Delgado ay nagkomento ang PETA.
Anila, iimbestigahan nila ang nangyari, kalakip ang pangakong hind na ito mauulit.
Mababasa sa kanilang pahayag: "Dear Ms. B Delgado, Thank you for bringing this matter to our attention.
"Please accept our sincerest apologies for the stress and frustration this has caused you.
"Rest assured that we are looking into this now and will immediately take the necessary actions.
"We only wish a good and positive viewing experience for all of our audiences. Please allow us to give you a complimentary ticket so that you can properly enjoy the show.
"We will reach out to you directly regarding this."
Read: Lea Salonga grateful to supporters of her post about theater decorum
Samantala, sinubukang hingan ng PEP.ph (Philippine Entertainment Portal) ng reaksiyon si Ara Mina upang alamin kung siya nga ba ang tinutukoy ng netizen sa reklamo nito.
Hindi pa sumasagot ang aktres sa ipinadala naming mensahe.