Posibleng sumabak muli sa pulitika ang Star for All Seasons na si Vilma Santos.
Ito ay ayon mismo sa asawa niyang si Department of Finance Secretary Ralph Recto.
Sa pakikipag-usap ni Secretary Recto sa mga miyembro ng MMPRESS (Multi-media Press Society of the Philippines, Inc.) sa kanyang tanggapan kahapon, June 11, 2024, sinabi niyang posibleng bumalik sa pulitika ang asawa.
At maaring ang pagkagobernador ng Batangas ang tatakbuhan nito.
Saad ni Secretary Recto, "She's considering it."
Komento ng isang reporter, "Parang panalo na naman yun."
Hirit ni Secretary Recto, “Pag tumakbo yun, siguradong panalo yun."
Pabirong dagdag pa niya, “Kawawa yung lalaban dun.”
Maugong din ang balitang tatakbo ang kasalukuyang bise-gobernador ng Batangas na si Mark Leviste, na naging ka-tanden ni Vilma noon sa probinsiya.
Nagsilbing gobernador ng lalawigan si Vilma mula 2007 hanggang 2015.
Sabi ni Recto, "Si Mark was her vice governor for several terms, nine years.
"He can also again run as her vice governor, just in case.
"Meron pa siyang one more term."
Maging ang anak nina Ralph at Vilma na si Ryan Christian ay posibleng pumalot na rin sa pulitika.
Saad ng dating senador, "Posible. Ryan may also run for congress. He might stick in Lipa City.
"There are two positions probably at stake. One is for governorship, and one is for congress."
Read: Ralph Recto on son Ryan Christian joining showbiz, politics
Si Secretary Recto ang nanguna sa panunumpa ng officers and members ng MMPRESS sa kanyang opisina sa may Roxas Boulevard, Manila.
Secretary Ralph Recto (left) with MMPRESS Chairman Jun Nardo (center) and President Ambet Nabus (right).
VILMA SANTOS TAKES A BREAK FROM POLITICS
Pansamantalang nagpahinga sa pulitika si Vilma matapos ang dalawampu’t apat (24) na taong paglilingkod sa bayan.
Hindi siya kumandidato noong nagdaang 2022 elections.
Bukod sa pagiging governor, nagsilbi rin si Vilma bilang mayor ng Lipa City mula June 30, 1998 hanggang June 30, 2007.
Matapos ang siyam na taon niyang paglilingkod sa Batangas bilang gobernador, tumakbo naman siyang kinatawan ng 6th District ng Batangas at nanalo noong 2016.
Natapos ang kanyang dalawang termino noong June 30, 2022.
Marami ang kumumbinsi kay Vilma na kumandidatong senador para sa halalan noong May 9, 2022 dahil malaki ang kanyang tsansang manalo.
Pero pinili ng multi-awarded actress-politician na magpahinga.
Read: Vilma Santos, sinabi ang dahilan ng pagpapahinga sa pulitika after 24 years