Hindi na raw nalalayo ang usaping kasal para sa aktor na si Gerald Anderson, 35.
Ang girlfriend ngayon ni Gerald ay ang aktres na si Julia Barretto, 27.
Going strong ang relasyon ng dalawa mula nang isapubliko nila ang kanilang pag-iibigan noong March 2021.
Read: Gerald Anderson finally admits relationship with Julia Barretto: “It’s a yes.”
GERALD ANDERSON ON MARRIAGE
Sa vlog ng broadcaster na si Karen Davila na in-upload sa YouTube kahapon, June 6, 2024, napag-usapan nila ni Gerald ang tungkol sa pagpapakasal.
Solong naninirahan si Gerald sa halfway house niya sa Quezon City, kung saan katabi nito ang kanyang gym business.
Ayon kay Karen, nararapat na meron na talagang katuwang sa bahay at buhay ang aktor.
Sagot ni Gerald, "Actually, malapit na. Kailangan kasi siya yung mag-ano sa household, siya yung magbabantay."
Dagdag niya, "Siyempre, 35 na po ako. e. Mas malapit na ako dun sa..."
Hindi na itinuloy ni Gerald ang kanyang sinabi at iniba na ang topic.
Tanong muli ni Karen, "But you are ready? Is that fair? Are you ready for marriage?"
Sagot ni Gerald, "Yeah, of course. I'm closer to that. Kasi kung five, three years ago, tanong niyo sa akin yan, 'Hindi, hindi.'
"But siyempre, that's why I'm doing all of this. Kasi gusto ko maalagaan yung mga anak ko. Na wala silang iisipin.
"But hindi sila puwede maging spoiled. Kasi hindi madali ang buhay.
"So, yun. Just... everything I do in life is leading up to yung aspeto na yan."
GERALD ANDERSON ON GIRLFRIEND JULIA BARRETTO
Diretsong tanong ni Karen kay Gerald, "What makes Julia different?"
Tugon ng aktor, "Because we support each other. Yun ang pinakaimportante dun, e.
"She supports me with my endeavors, yung trabaho ko, yung pagba-basketball ko.
"Alam din kasi niya na yun din yung nagbibigay, nagpapasaya sa akin.
"Yun din yung nag-motivate sa akin every day. Sana, she sees how passionate I am about yung mga bagay na yun.
"And she supports me. And vice versa din.
"You know, I always try to push her to be the best version of herself.
"We're going through this journey together.
"Marami highs and lows, but as long as gagawin natin together, I think it makes everything better."
GERALD ANDERSON-bea alonzo breakup
Kapag ise-search sa Internet ang pangalan ni Gerald, puro may kinalaman sa kanyang love life ang lumalabas.
Pero sino ba ang tunay na Gerald Anderson?
Biro ni Gerald, "Yung nababasa niyo, yung una pong mababasa niyo."
Seryoso niyang dugtong, "I don't know, hindi ko po alam.
"Hindi ako makakasagot yan because I don't really have that, what do you call it, the wall.
"Or tulad ng ibang tao, I have my faults. I have, you know... wala naman siguro perpektong tao sa mundo.
"Sa Facebook marami, I heard, sa mga nagku-comments, marami perfect.
"But there's nothing really special about me, I just do what I love."
Ano ang pinakamalaking misconception tungkol sa kanya?
Tugon ni Gerald, "I don't know, hindi ko..."
Sabi ng iba, "heartbreaker" daw siya.
Reaksiyon ng aktor: "Heartbreaker, you know, my heart was broken at the same time, you know.
"It wasn't... hindi naman yan madaling-madali. Maybe there's a situation na ako yung umayaw na, but it doesn't mean na sobrang dali lang yun para sa akin.
"Ang aspect naman niyan, hindi lang yun sa girlfriend but, you know, we hurt people around us all the time, hindi naman ibig sabihin na wala lang sa akin yun."
Binalikan naman ni Karen ang isyu noong malinaw na ang hiwalayan nina Gerald at Bea Alonzo noong August 2019.
Nadawit pa lamang noon si Julia at inakusahan ng netizens na third party sa hiwalayan.
Maging si Supreme Court Associate Justice Marvic Leonen ay nagpahayag ng maikli ngunit malamang komento sa kontrobersiyang kinasasangkutan nina Bea, Gerald, at Julia.
Patanong na tweet ng High Court justice noong August 7, 2019, na nakadirekta kina Julia at Bea: “Dear Bea and Julia, is he really worth it? #JustAsking.”
Read: Supreme Court Justice asks Bea Alonzo, Julia Barretto: "Is he really worth it?"
Tanong ni Karen kay Gerald, "Do you believe you're worth it?"
Mukhang hindi aware si Gerald na nakarating ang isyu sa isang mahistrado ng Korte Suprema.
Saad niya, "Wow, what was the answer? Nakuha ba niya yung sagot?
"Hindi ko rin alam, e. I can't, I don't... I can't answer that.
"Kasi it always has to be the people around me, you have to ask them. Kasi, paano ko sasagutin yan?"
Paano niya na-handle ang mga ganung isyu?
Paliwanag ni Gerald: "Siyempre, when you're in the situation, mahirap siya talaga, pero mahirap din para sa mga tao sa paligid mo.
"And I see other artists going through that also.
"Ito yung pinili natin yung trabaho, ito yung passion natin, ito yung journey natin. Kasama sa journey natin is yung ganun.
"Unfortunately, mas nangingibabaw po yung ganito.
"I get to do opportunities like this because I have more power as a celebrity, because I get to help other people, or nakapagbigay ako ng bahay sa nanay ko, yung tatay ko nag-o-oversee ng private resort namin.
"So, hindi ko yan ipagpapalit sa kung ano yung stress na pinagdadaanan natin sa show business, di ba?
"Iba lang talaga yung social media ngayon, ibang beast siya. But if you use it in the right way, oh my gosh, sobrang grabe din yung impact niya."