Mariing pinabulaanan ni Rabiya Mateo ang kumakalat na akusasyon sa kanila ng nobyo niyang si Jeric Gonzales nang manood sila sa concert ng South Korean singer-actress na si IU.
Noong June 1, 2024, ginanap ang 2024 IU HEREH WORLD TOUR CONCERT IN MANILA sa Philippine Arena, sa Bulacan, na dinaluhan ng libu-libong Pinoy Uaenas (tawag sa fans ni IU).
Kabilang sina Rabiya at Jeric sa nanood ng nasabing concert.
Read: Rabiya Mateo, sinabing si Jeric Gonzales ang "pahinga" niya sa trabaho
Ngunit ang masaya nilang concert experience ay nabahiran ng intriga nang may isang fan account sa Facebook ang nag-post ng blind item tungkol sa diumano'y isang beauty queen na may boyfriend na actor na biglang pumasok sa concert venue ni IU nang walang maipakitang ticket.
Bukod pa rito, nag-demand pa raw ang celebrity couple na ipuwesto sila sa VIP seats.
Mababasa sa blind item post (published as is), "First hand chika. Sinetch itey na mag jowang actor at beauty queen ang biglang nag entrance sa concert ni IU at gustong manood kahit hindi naman daw nag bayad. Ang bet pa ay VIP seat pero wiz na vacant kaya hanash ang usher at secu kk find.
"Usher be like: wala ba silang pambili ng ticket??"
Walang binanggit na pangalan sa blind item, ngunit hindi kataka-takang sina Rabiya at Jeric ang nais nitong patungkulan nang i-comment ng fan account ang Instagram Story ni Jeric kuha sa concert ni IU.
Si Rabiya ay kinoronahang Miss Universe Philippines noong 2020.
Mabilis na nag-trending ang nasabing post, kunsaan marami sa ibang fans ni IU ang nanggalaiti sa umano'y VIP treatment sa dalawa gayong sila ay nahirapan sa pag-secure at pagkuha ng ticket.
OTHER NETIZENS DEFEND RABIYA AND JERIC
Dahil sa kaliwa't kanang pamba-bash kina Rabiya at Jeric, ilan sa kanilang mga tagahanga ang agad dumepensa sa kanila.
Mabilis ding humingi ng paumanhin ang fan account na nag-post ng blind item sa anila'y hindi pagbe-verify ng impormasyon sa nakalap nila sa mga usher at staff sa concert.
Narito ang nilalaman ng kanilang pahayag:
"To Ms Rabiya and Jeric, I want to sincerely thank you for clearing out your side on the incident during IU's concert.
"I deeply apologize for all the damage this may have caused you. As per your clarifications, you personally bought the tickets and didn't demand them for free.
"It also came to our knowledge that many other fans had the same experience of having a duplicate ticket/seats.
"My mistake was posting it on this page without doing any FACT CHECK after hearing everything from the Usher/Staff. I acted on impulse and didn't mean any harm to the said couple. I posted it as an awareness to my fellow kpop fans who fought hard and worked hard to buy the tickets.
"HMA is committed to making memes and edits for the kpop community. We will continue to improve our posts for our community.
"Again, we sincerely apologize for our mistake. We hope this will help clear out the names of the said couple. Also, we want to ask the public for a favor to refrain from throwing hateful/negative comments at both Rabiya and Jeric."
Read: Jeric Gonzales on Rabiya Mateo being 'the one': "I believe so."
RABIYA MATEO SPEAKS UP
Hindi rin pinalampas ni Rabiya na ihayag ang kanyang panig sa akusasyong ibinintang sa kanila ni Jeric.
Sa magkakasunod na Instagram Stories noong June 3, pinabulaanan ni Rabiya ang akusasyong wala silang ticket ni Jeric nang magpunta sila sa concert ni IU.
Hindi rin daw totoong nag-demand sila ng VIP treatment para makapasok.
Saad ni Rabiya, kalakip ang screenshot ng official statement ng fan account: "We wanna clarify that the rumors circulating are not true. We bought the tickets for P12,000 each.
"Just like the rest of them, we worked very hard to afford the ticket and never demanded for any VIP treatment but we would like to commend the ushers for helping us find our seat."
Pagbabahagi pa ng Miss Universe Philippines 2020, humingi na sa kanila ng paumanhin ang handler ng fan account na nagpakalat ng maling balita tungkol sa kanila ni Jeric.
Aniya, "The admin of this page already apologized to us. None of these is true or real… the admin took responsibility for saying she doesn’t know the usher and made the post out of hearsay."
"WALANG ARTISTA-ARTISTA SA PAGHAHANAP"
Bilang patunay na dumaan sila sa tamang proseso, ibinahagi pa ni Rabiya ang pinagdaanan nila ni Jeric nang ma-scam sila sa unang pagbili nila ng concert tickets ni IU.
Sabi ni Rabiya, "We’ve been scammed the first time we tried to buy these tickets.
"Just like the rest of you, we had a hard time looking for available tickets.
"Contrary to what most of you think, walang artista-artista sa paghahanap."
Sa huli, nagpaalala si Rabiya na matutong mag-fact check sa kung ano ang paniniwalaan sa social media.
Read: Rabiya Mateo and Jeric Gonzales: A relationship timeline
Huwag din daw agad-agad mang-bash sa mga impormasyong wala pa naman beripikasyon.
Saad ng Kapuso star, "While others are so quick to have assumptions without getting their facts right shows how people believe what they see online.
"Not everything you read is true. Not everything you see is real. Not everything you hear should be posted online at the expense of other people.
"However, we have laws to protect the innocent and punish those who are guilty."
Dagdag pa niya, "People saw paano kami luminya kay Lee Min Ho, Coldplay, at Ed Sheeran. Never kami napa-VIP2 sa mga concert."
