Personal na binati ni Miss Universe Philippines 2023 Michelle Dee si Chelsea Manalo sa pagkakahirang nito bilang Miss Universe Philippines 2024.
Si Chelsea ng Bulacan ang kinoronahang Miss Universe Philippines 2024 sa grand coronation na ginanap sa SM Mall of Asia Arena, sa Pasay City, nitong Miyerkules ng gabi, May 22, 2024.
Dinaig niya ang 52 pang kandidata mula sa iba't ibang bayan at lungsod sa Pilipinas, pati na ang ilang Filipino communities sa ibang bansa.
Read: Dark horse Chelsea Manalo wins Miss Universe Philippines 2024
Bilang outgoing Miss Universe Philippines, si Michelle ang nagpasa at nagputong ng korona sa kanya.
Isang araw makalipas ang coronation night ay nag-post si Michelle sa Instagram ng mga kuhang litrato nila ni Chelsea.
Layon nitong personal na batiin ang bagong hirang na Miss Universe Philippines.
Read: Chelsea Manalo's mother overwhelmed by daughter's Miss Universe Philippines 2024 win
Ayon kay Michelle, saglit lamang niyang nakasama si Chelsea sa backstage ngunit ramdam na ramdam daw niya ang pagiging totoo nito — isang magandang katangian ng isang Miss Universe Philippines.
Mababasa sa caption ng post ni Michelle (published as is): "May you lead by example always in all ways.
"Congratulations to our new Miss Universe Philippines 2024 @manalochelsea.
"We had a brief interaction backstage and I can really say that we crowned a woman with such a genuine heart.
"Manifesting only the best for you and our home."
]
Read: FULL TRANSCRIPT: The winning answer at Miss Universe Philippines 2024
Humirit pa si Michelle sa viral na paglalagay niya ng korona sa ulo ni Chelsea.
Aniya (published as is), "ps: despite my little initial hiccup, the @jewelmer crown looks so good on you! All love."
MICHELLE DEE on VIRAL MUPH 2024 CROWNING MOMENT
Maliban sa intense na pagsagot sa mga tanong at pagrampa, naging usap-usapan din sa coronation night ang crowning moment ni Chelsea.
Naglipana kasi ngayon ang iba't ibang klaseng meme sa gawi ng paglalagay ni Miss Universe Philippines 2023 Michelle ng korona sa ulo ni Miss Universe Philippines 2024 Chelsea.
Lumalabas kasi na literal na pinatong lang ni Michelle sa ibabaw ng ulo ni Chelsea ang korona.
May ilang netizens tuloy ang nangamba sa maaaring pagkahulog nito, na nagawan naman daw ng paraan ni Chelsea nang pilit niyang ibalanse ito sa kanyang ulo upang hindi mahulog.
Narito ang ilang memes na makikia sa social media:
Read: MUPH 2024 scene stealers, trending candidates, and bloopers
Sa kabila ng aberya, nanatiling positibo si Michelle. Sa X (dating Twitter) nagbigay siya ng nakaaaliw na reaksiyon sa nagba-viral nilang moment ni Chelsea.
Ipinost ni Michelle ang screenshot ng litrato ni Chelsea na binabalanse ang ipinatong niyang korona, hanggang sa mapansin niya ito ay tuluyang ayusin.
"my mind is still here [laughing in tears emoji]. MICHELLE DEE ANO BA," saad ng Kapuso actress sa kanyang tweet.
Read: Ahtisa Manalo, Alexie Brooks also win beauty titles at Miss Universe Philippines 2024
CHELSEA REACTS TO HER VIRAL CROWNING MOMENT WITH MICHELLE
Tinawanan lang din ni Chelsea ang nangyaring insidente.
Sa panayam niya sa Unang Hirit ng GMA-7 ngayong Biyernes ng umaga, May 24, 2024, nahingan si Chelsea ng reaksiyon tungkol sa kanyang viral crowning moment.
Read: Miss Universe PH 2024 Chelsea Manalo, nag-react sa memes
Saad niya, “It’s so funny. I can’t believe I made it to the memes. People talk about it.
"But when Michelle actually put it on my head, this [the crown] has weight, so when she put it on my head, I didn’t feel like it’s gonna fall.
“I felt like it was already sturdy until I decided to turn kaya siya medyo… but afterwards, Michelle fixed it so that we can have that really beautiful victory photo."
Read: Celeste Cortesi, nilinaw ang "what just happened" post tungkol sa Miss Universe Philippines 2024
Hindi pa raw nagba-viral ay alam na nila ni Michelle ang nangyaring aberya.
Napag-usapan daw kasi nila ito sa backstage. Maging sila ay tawang-tawa rin daw sa nangyari.
Read: Tamang Manalo ba ang nanalong Miss Universe Philippines 2024?
Gayumpaman, wala naman daw sama ng loob si Chelsea kay Michelle dahil naniniwala siyang dala ng kaba kaya ito nangyari.
Kuwento ni Chelsea, “After that, we just talked about it. We laughed on it because I think she was also tensed, like, she was nervous.
"I mean, this is her last night. She wanted to just give her best, to really give that crown to the next Miss Universe Philippines."
Read: Michelle Dee reuses symbolic evening gown for final walk