Tuloy na tuloy na ang pagbabalik-tambalan nina Kathryn Bernardo at Alden Richards para sa sequel ng kanilang 2019 blockbuster movie na Hello, Love, Goodbye.
Kinumpirma ito ng Star Cinema, ang movie production ng ABS-CBN, at ng GMA Pictures ngayong May 19, 2024.
Read: Alden Richards on real score with Kathryn Bernardo
Read: Kathryn Bernardo-Alden Richards reunion movie, sisimulan na sa August 2024
Bago ang pormal na anunsiyo, nagbigay na ng pahiwatig ang Star Cinema at ang GMA Pictures sa pamamagitan ng social media card na may text na, “This is finally happening.”
Ang salitang “finally” ay ginamitan ng typeface na ginamit sa poster ng Hello, Love, Goodbye.
Ang magiging titulo ng sequel ay Hello, Love, Again.
Nakatakda itong ipalabas sa Pilipinas sa November 13, 2024.
Muling gagampanan nina Kathryn at Alden ang kanilang mga karakter bilang Joy at Ethan.
Si Cathy Garcia-Sampana pa rin ang magiging direktor ng pelikula.
READ:
Kathryn Bernardo, Alden Richards set social media ablaze with kilig videos
Hello Love Goodbye director on Kathryn Bernardo: "Medyo inalila talaga namin siya sa Hong Kong."
HELLO, LOVE, AGAIN TO BE SHOT IN CANADA
Matatandaang sa Hello, Love, Goodbye ay ipinagpatuloy ng karakter ni Kathryn na si Joy ang pag-aaral ng medisina, habang ang karakter naman ni Alden na si Ethan ay nagbukas ng sariling negosyo.
Dahil bitin ang pagtatapos ng pelikula, naiwan ang mga nakapanood nito sa maraming katanungan kung magkakatuluyan ba sila o hindi.
Sa isang panayam ay sinabi ni Direk Cathy na maging siya ay excited na alamin kung ano ang magiging journey nina Joy at Ethan sa bagong movie.
Kukunan ang movie sa Canada, kung saan itatampok din ang buhay ng mga Pilipinong naninirahan sa naturang bansa.
Ang Hello, Love, Goodbye ang highest-grossing Philippine film of all time hanggang noong January 2024.
WILL HELLO, LOVE, AGAIN SET NEW BOX-OFFICE RECORD?
Nalampasan na ito ngayon ng Rewind na pinagtambalan ni Dingdong Dantes at misis na si Marian Rivera.
Kaya isa rin sa mga aabangan ay kung malalampasan naman ng Hello, Love, Again ang tinabo sa takilya ng Rewind.
Noong isang linggo ay nagpahayag pa si Alden ng pag-asam na magkaroon ng sequel ang unang pelikula nila ni Kathryn.
Itinanggi naman ng aktor na nanliligaw siya sa aktres.
READ:
Kathryn Bernardo cherishes being able to finally say "no"
Alden Richards warns vs fake tweets about KathNiel
Is Hello, Love, Goodbye now the highest grossing Filipino movie of all time?
Hello, Love, Goodbye crosses P800 million mark; enters North American box-office chart