Ang ilang burol sa Chocolate Hills sa Bohol, nagkulay uling nang dahil sa sunog na nangyari nito lamang Martes, April 30, 2024.
Inabot ng tatlong oras bago tuluyang naapula ng Bureau of Fire Protection (BFP) firefighters ang sunog, ayon sa ulat ng GMA Regional News Balitang Bisdak.
CHOCOLATE HILLS FIRE
Dakong alas siyete ng gabi ng Martes, inalerto ang BFP Carmen, na agad tumungo sa Barangay Buenos Aires, ang lokasyon ng dalawang burol.
Pero pagdating sa lugar, hindi makadaan ang mga firetrucks, at hindi rin madaling abutin ang tuktok ng mga burol.
“Nagmano-mano kami sa pag-apula, mano-mano naming inakyat at pinagpag ang nasusunog na damo,” sabi ni Senior Fire Officer II Ernesto Borbon, officer in charge ng Carmen Fire Station.
“Hindi kami nakabuga ng tubig dahil hindi umabot ang fire hose dahil hindi aabot.”
Tuluyang naapula ang apoy dakong ika-10:00 p.m. at umabot sa 500 square meters ang naapektuhan ng apoy.
Top photo shows the charred top of one of the Chocolate Hills in Bohol. Bottom photo shows the darkened and burned hill after the fire.
Read: VIRAL: Baby dangling from the roof of second-floor unit
WHAT CAUSED THE CHOCOLATE HILLS FIRE?
Malayo man ang pinangyarihan ng sunog, kinabahan pa rin ang ilang residente na nakatira sa paanan ng burol.
Natakot kasi sila na baka abutan sila ng apoy at mapinsala nito ang kanilang mga ari-arian.
Bagamat patuloy ang imbestigasyon, “spontaneous combustion” o ang natural na pagliyab ng mga tuyong materyal dahil sa matinding init ang nakikitang sanhi ng sunog.
Sabi ni Inspector Rolando Jumawid, chief operations ng BFP provincial office, “Mangyayari ang spontaneous combustion kung matindi ang init at panahon, tapos tuyo ang mga damo…
“Mangyari talaga yan. Mahirap i-determine dahil kalimitan dahil sa human activity.”
Wala namang naiulat na napinsalang ari-arian at nasaktan sa apoy.
Hindi rin ito ang unang beses na nangyari ang sunog dahil umaabot sa anim na grassfire ang napapaulat araw-araw, ayon sa report.