Sa mediacon ng pelikulang Men Are From QC, Women Are From Alabang noong April 17, 2024, natanong sina Marco Gallo at Heaven Peralejo kung ano ang tatlong pinaka-sweet na nagawa nila para sa isa’t isa.
“When Heaven takes care of me,” umpisang bulalas ni Marco.
“When she asks what food do I want, when she orders it for me.”
Niregaluhan din ni Heaven si Marco ng vinyl player sa last shooting day ng Men Are From QC, Women Are From Alabang, ayon na rin sa kuwento ng direktor nila sa pelikula na si Gino Santos.
Pagpapatuloy pa ni Marco, “And when I saw that vinyl player, the first thing that I said, I was, like, ‘You don’t have to buy this it’s so expensive!’"
Hindi rin daw kailangang bigyan siya ni Heaven ng anumang mamahaling bagay o regalo para maging masaya siya.
“It was just super-sweet, I’m super thankful for that," sambi ni Marco.
Read: Who are the Viva stars primed for stardom?
HEAVEN AND MARCO'S FLIRTING MOMENTS
“The second one? Come on, let’s cut to the chase, let’s be honest, kapag nilalandi niya ako sa set!” tumawa si Marco, sabay harap kay Heaven na katabi niya during the interview.
Pero pagbawi ng binata, "No, you know, when we have those scenes and you just give me those flirtatious eyes… or para sa eksena lang siguro.
"Third… I think, when she makes sure that I’m ready for the scene.
"So, like, let’s say wala lang ako sa zone, and she just sits down with me, and helps me.”
May routine daw si Marco na kapag may mabigat na eksena siyang gagawin sa isang pelikula, nagsusuot siya ng earphones at nakikinig sa iba-ibang musika.
“And she sits down beside me and she’s holding my hand and she sits down and helps me out.
“And I think not every actress does that and the fact that she does, I appreciate it," saad ng Filipino-Italian actor.
Malaking factor daw si Heaven kaya naitawid ni Marco ang acting niya sa Men Are From QC, Women Are From Alabang na ipapalabas na sa mga sinehan simula sa May 1, 2023.
Read: Marco Gallo, isiniwalat ang pinakamasamang karanasan sa showbiz
MARCO'S SWEET GESTURES TO HEAVEN
Ano naman amg tatlong pinaka-sweet na ginawa ni Marco kay Heaven?
Lahad ni Heaven, “One is when we were in Siargao, actually.
“It was super-cold gabi na tapos wala akong dalang blanket and nasa beach kami, sobrang lakas ng hangin.
"And so, kahit lamig na lamig siya, wala siyang damit kasi ibinigay na niya sa akin. So, mga little things like that.
“Second, siguro yung sa movie, ah, binigyan niya ako ng coffee tapos nagulat na lang ako nakalagay doon, ‘For Tita Babes!’ Sobrang cute!
“And then third… oh, gumawa siya ng pasta, gumawa siya ng pasta.
"Pero hindi ako nakakain kasi siya ang kumain, si Direk.
"Direk, I hate you! Hindi, joke lang!” ang tumatawang sabi ni Heaven sa direktor nilang si Gino na katabi nila ni Marco sa mediacon.
Ang Men Are From QC, Women Are From Alabang ay mula sa Viva Films at Sari Sari, MQuest Ventures, Studio Viva, at Epik Studio.
Read: Heaven Peralejo-Marco Gallo romantic status, nananatiling palaisipan