Dismayado ang Kapamilya actress na si Janella Salvador sa mga Pilipinong walang oras sa panonood ng local films at mas inuunang tangkilikin ang international films.
Sa Instagram noong April 21, 2024, ibinahagi ng social media personality at film producer na si Richard Juan ang screenshot ng usapan nila ng isang kaibigan na ninaya niyang manood ng pelikulang Under Parallel Skies.
Isa si Richard sa producers ng pelikulang pinagbibidahan ni Janella at ng Thai actor na si Win Metawin.
Read: Janella Salvador paired with Thai actor Win Metawin in 'Under Parallel Skies'
Sagot ng kaibigan ni Richard matapos niya itong yayaing manood, "[Di] ako nanunuod ng local films sorry [grinning face with sweat emoji] no time for that."
Ikinadismaya raw ito ng Filipino-born Chinese film producer.
Nakakadurog daw ng puso sa kagaya niyang baguhang film producer na makarinig ng ganoong sagot.
Mababasa sa caption ni Richard (published as is): "I really did not expect anyone to say this to me. 'No time for that.'
"Grabe. Seryoso ba? As a new producer, these words really broke my heart. Ang sakit.
"But this really highlights the challenge that all we Filipino filmmakers face, because let’s be real — lahat tayo may mga kaibigan na ganun din.
"I get it, not every film will resonate with everyone, and that’s 100% fine.
"Criticism is part of it naman talaga. But dismissing all local films outright? Wag naman? Sobrang sakit talaga [broken heart emoji]."
Diin pa ng dating model-host, maganda ang layunin ng Under Parallel Skies, hindi lang para sa mga kilalang artistang bida kundi maging para sa mga tao sa likod ng kamera.
Imbes na ikahiya at ipagwalang-bahala ang Under Parallel Skies, dapat daw itong ipagmalaki dahil ito ang kauna-unahang Filipino-produced film na idinistribute ng American film and entertainment studio na Warner Bros.
Saad ni Richard (published as is): "Being the first Filipino romance film distributed by THE Warner Bros., many eyes globally are on us and the whole Philippine entertainment industry.
"Because what we have in 'Under Parallel Skies' goes beyond simply showcasing actors; but it also celebrates the Filipino and Asian creativity behind the cameras.
"Let’s champion not just Philippine cinema, but also Asian cinema with immense pride."
Read: Janella Salvador honored to work with Thai actor Win Metawin
JANELLA SALVADOR REACTS TO RICHARD JUAN
Sa pamamagitan ng Instagram Stories, mabilis na ni-repost ni Janella ang post ni Richard para ihayag ang kanyang pagkadismaya sa mga Pilipinong minamaliit ang mga gawang pelikula sa Pilipinas.
Ani Janella, "People who think they are too good for local films.
"It doesn’t make you sound more sophisticated, just straight-up arrogant and condescending."
Sa hiwalay na panayam ng ABS-CBN News sa aktres nitong Lunes, April 22, ipinagmalaki rin ni Janella ang mga pelikulang Pilipino na tinatangkilik naman abroad.
Ganumpaman, hindi naman daw niya madidiktahan ang iba sa papanoorin nilang pelikula, huwag lamang daw kalilimutan na suportahan ang sarili nating gawa.
Pahayag ni Janella: "There’s nothing wrong naman…kasi baka ma-misinterpret na naman yung sinabi ko, pero there’s nothing wrong naman with having a preference.
"Kumbaga, you can watch the films you want, there’s no problem with that.
"Pero, I think just saying that you have no time for Philippine cinema is too much.
"Because, first of all, if you’re from the Philippines, give Philippine cinema a chance!"
Bukod sa malaking budget, mas kailangang daw ng local film industry ang suporta ng mga Pilipino para makapag-produce pa ng dekalibreng pelikulang maipagmamalaki sa ibang bansa.
Sabi ni Janella: "I don’t think it’s a matter of us not having the talent to make great films.
"I think there’s many aspects like budgets and we’re gonna need full support talaga para makagawa rin kami ng more quality films.
"Like I said nga wala namang problem if you have preferences but give Philippine cinema a chance.
"Because there’s so many wonderful films na kahit low budget is napakaganda nung pagkakagawa."
Read: 6 reasons why you shouldn't miss the film Under Parallel Skies