Mahigit apat na dekada na si Tessie Tomas sa industriya ng telebisyon at pelikula.
Ano ang maipapayo niya sa mga kabataang artista para magtagal din sa showbiz?
“I think importante yung discipline,” tugon ni Tessie sa storycon ng pelikulang Senior Moments noong Abril 7, Linggo sa Limbaga 77 restaurant, Sct. Limbaga St., Quezon City.
“Discipline, meaning to say, come to the set on time. Memorize your lines. Prepare your costumes if you can, di ba?
“And then, ako, lagi kong sinasabi sa young stars, ‘Know what is really your talent. Is it singing? Is it acting? Is it dancing? Huwag mong ipilit.’
“Kung talagang dancing ka lang e di ka pala nakakaarte, huwag ka dun. Dun ka na lang sa dancing.
“Kasi mahirap aralin nang matagal, e. Kailangan mayroon kang innate talent na pinu-pull out mo.
“I thought that you know I could really act so that’s where I concentrated.
“Even now, even my son is saying, ‘Mom, you can really direct your own movie,’ ganun-ganun.
“Bakit naman ako magku-compete pa sa mga direktor, napakarami nang direktor.
“Gusto ko na lang maging magaling na magaling na aktres pa, to keep honing my craft. Because nakakuwadro na ako roon.”
Ang Senior Moments ay sa panulat at direksyon ni Neal “Buboy” Tan. Bida rin dito sina Nova Villa at Noel Trinidad.
*
Ipinagdiinan din ni Tessie ang kahalagahan ng commitment para magtagal ka sa showbiz.
Salaysay ni Tessie, “Yung tulad nung sinabi ni Noel na, ‘Love na love ko itong industriyang ito, dito ako. Hindi ako magbabago ng career,’ or something.
“Ngayon, in terms of what do I want to say to the young — sana lang, huwag kayong humarap sa kamera na walang make-up.
“Lalo na sa kababaihan. Hindi talaga maganda. Minsan, nagkukulay-nana ka kapag wala ka man lang ka-makeup-makeup.
“To me, it’s really a crime. It is a crime, to face the camera [without makeup].
“Ako nga, lalabas lang ako ng condo, ‘Ay! Teka muna, si Tessie Tomas pala ako! Sandali!’ ‘Ay! Si Doña Cielo pala ako! Teka, maglagay man lang ako ng powder, and blush on, and very bright lipstick or something.’
“Because I am an actress. More or less, yun ang ano ko.”
Obligasyon ng artista na maging maganda o kaaya-aya lagi sa paningin ng publiko?
Tumango si Tessie, “Oo, because we are not ordinary people. We are actors and actresses. So therefore we have to look good. Personal [belief] ko iyon.”
Ang Doña Cielo na tinutukoy ni Tessie ay ang karakter niya sa Kapamilya teleseryeng Dirty Linen (Enero-Agosto 2023).
*
Hindi sukat-akalain ni Tessie na magiging ganoon ka-iconic ang karakter niyang si Doña Cielo Fiero.
Pahayag ni Tessie, “So I always believe, yun din yung philosophy ko, you can never predict what will happen to your role, a character.
“Pag tinatanong nila ako, ‘Did you not get pressured kasi ang haba-haba ng character profile ng Doña Cielo?’
“Sabi ko, ‘Binasa ko nga, mas mahaba yung character profile kesa storyline, e.’ Sinabi kasi yung life story niya, na-rape pala siya, sinabi na lahat dun sa character profile…
“Hindi ako na-pressure kasi I’ve done so many roles. The challenge is how to make this interesting, and different from the other roles I’ve done.”
Iconic din ang Barbara Tengco character niya sa political satire comedy TV series na Abangan Ang Susunod Na Kabanata (Enero 1991-Hunyo 1997).
Pagmamatuwid ni Tessie, “Because of commitment, I really commited — kasi akala nila, ire-refuse ko — I really commited and consented for my hair to be bleached, and be colored platinum gray.
“So pinag-usapan ako sa industriya na, ‘Oh my God! Pumayag siya, hindi siya naka-wig!’ I hate wigs, e. Hindi gumagalaw.
“May mga gumaya nga, e, yung mga kulay. Nagkaroon ng trend, hindi ba?
“Pero parang sabi nga ni Angel Aquino, if I were to quote her, iyong first take ko pa lang doon sa aking magnificent desk, ‘Oh my God! You look so good and so powerful!’
“So effective daw yun, so ako din… It is a journey of self-discovery, but because you’re throwing yourself to the role without any hindrances, walang kaartehan na, ‘Ay! Ayoko! Ayokong pakulay ng buhok. Ayoko.’
“Eto, kinulayan na naman for Señora Bettina, kasi I have to look different, di ba? I have to look younger.”
Si Señora Bettina Caballero ang karakter ni Tessie sa FPJ’s Batang Quiapo.
Dagdag ni Tessie, “But to me, that makes my job more interesting, more dynamic. Kasi iba na naman, iba na naman. O, paano ko gagawin ito?”
Sinabihan daw ni Tessie si Coco Martin sa pre-production meeting, buti at napili siyang kunin sa FPJ’s Batang Quiapo.
Ang sagot daw ni Coco, “Oo, ma’am, kasi na-impress ako sa iyo sa Dirty Linen, at saka yung Korina Interviews Tessie Tomas.
“Nalaman ko yung istorya mo, 10 years old, nag-aartista ka na, tapos ang dami mong pinagdaanan, radio, ganun-ganun.”
*
Pakiwari ni Tessie, mas madali ang role na Señora Bettina kumpara sa Doña Cielo.
Paliwanag ni Tessie, “Because Dirty Linen has very long lines. And on the set, when you enter, you already feel the tension.
“Kasi everybody’s good, you know! Everybody has memorized their lines and all the lines are very intense, di ba? Ta-na-na-na-nan! Ta-na-na-na-nan, di ba?
“Pero we never even thought it would be like that. Kasi when we shoot, walang music, ha? Mabuti kung may music. It’s raw.
“In the raw, di ba? Tapos, nabisto nga kami, we don’t shoot in sequence. So it’s very hard, kasi nasaan na ba tayo? Ano ito? Umiyak na ba ako dito o paiyak pa lang?
“It’s very hard to approximate that. But ako, tatanungin ko lang, and then, in the moment ako. Kung ano lang yung binibigay nung role, fully gagawin ko. One scene at a time.”
Less pressure kay Tessie bilang artista ang karakter niya sa FPJ’s Batang Quiapo kumpara sa Dirty Linen.
“Ang nakita ko lang, ganito pala ang latag ng Batang Quiapo, andami palang ano, parang tableau,” lahad ni Tessie.
“Parang vignettes. So parang ahhh less pressure, because I’m just one of the… unlike sa Dirty Linen, para talagang major role ka, oo.
“Nung nakikita ko na nga, ‘My God,’ sabi ko… di ba, syinut-syinut, andami-dami pero pag nilatag, ganito pala ito?
“Nagagandahan ako talaga. I’m in awe. I forget that I am Doña Cielo, I just look at it as a neutral person, and I’m just proud of my work. I think we should be able to say that.
“Saka ang ganda-ganda, nire-relish ko yung sasabihin na, ‘Ang galing mo palang aktres! Sobrang galing mo dito!’
“Yung ginagamit yung mga words, sobrang galing mo.”