Tinapos ng Filipino drag race artist na si Marina Summers ang kanyang RuPaul's Drag Race: UK vs The World journey sa pamamagitan ng fourth-place finish.
Ang nanalo ay si Tia Kofi ng United Kingdom.
Read: Marina Summers among Top 4 finalists of Drag Race: UK vs. the World Season 2
Sa finale ng second season ng reality competition na umere sa UK nitong Biyernes ng umaga, March 29, 2024 (Sabado ng madaling-araw, March 30, 2024 sa Pilipinas), nagharap ang apat na natitirang contestants para sa final lip-sync battle.
Dahil si Marina ang may pinakamaraming panalo (tatlong Rupeter badges) sa lahat ng contestants, pinapili siya kung sino ang gusto niyang makaharap.
Ang pinili niya ay si Hannah Conda ng Australia, at ang napunta sa kanilang kanta ay ang "I’m Outta Love" ni Anastacia.
Sa huli ay nanalo si Hannah Conde, na hudyat ng pagtatapos ngRuPaul's Drag Race: UK vs The World journey ni Marina.
Deklara ni RuPaul sa elimination ng Philippine bet, "Marina Summers, I'm sorry, my dear, but this is not your time. Thank you for an amazing season. You are and will always be a global phenomenon.
Nagpasalamat si Marina sa oportunidad na makasama sa show at alam daw niyang maraming Pilipino ang ipinagmamalaki siya.
Mensahe niya, "Ru, thank you so much for inviting this little Filipina on your big show. I am forever grateful and my lines are open for another call.
"But, honestly, I know I made a lot of Filipinos across the globe proud and thank you for giving me this opportunity. I'll always and forever be your Filipino winner."
Dagdag pa ni Marina, "I'm so proud of Hannah and I am walking out as an international glamazon with international sisters that for me is a win already."
Read: Marina Summers shines in her version of Catriona Gray's lava gown on Drag Race UK vs. the World show
Sa isa pang lip-sync battle, nagharap sina La Grande Dame ng France at Tia Kofi ng UK para sa "Boogie 2Nite" ng Booty Luv.
Si Tia Kofi ang nanalo sa tapatang ito, kaya nakaharap niya si Hannah Conda para sa ultimate Lip Sync upang alamin kung sino ang final winner ng RuPaul's Drag Race: UK vs The World.
Ang pinerform nila ay ang "Your Disco Needs You" ni Kylie Minogue.
At sa huli, ang idineklarang panalo ay si Tia Kofi.
Ito ang ikalawang panalo ng UK sa RuPaul's Drag Race: UK vs the World dahil ang nanalo sa first season na si Blu Hydrangea ay galing din sa UK franchise.
Read: Drag Race Philippines's most controversial and trending episodes
MARINA IN ANOTHER DRAG RACE COMPETITION?
Samantala, ipinaabot ni Marina Summers ang kanyang pasasalamat sa mga sumuporta sa kanya sa pamamagitan ng X (dating Twitter).
Tweet niya pagkatapos umere ng finale, "Maraming salamat, world. We fought hard on this one."
Sa kanyang sumunod na tweet ay tila nagpahiwatig si Marina na hindi pa tapos ang laban niya.
Aniya, "I think I’ve seen this film before… We might have not liked my ending, but I had the best time with my lovely @dragraceukbbc girls! I am so so so damn honored to be part of this amazing show!
"Philippines, Asia, World, thank you so much for giving this little Filipina a BIG chance to win your hearts. This was such a magical run for me and I couldn’t be anymore prouder! I will always and forever be, your Filipina Winnah
"Ps. I’ve said this before, and I’m gonna say it again… @RuPaul you really want [me] back don’t ya?!?!"
Si Marina ang kauna-unahang drag queen mula sa Philippine franchise na nakipaglaban sa isang international edition ng Drag Race.
Sa unang season ng Drag Race Philippines, na umere noong 2022, ay naging runner-up siya ng winner na si Precious Paula Nicole.