Viral na usap-usapan ngayon sa social media ang video ng dating aktres at ngayon ay alkalde ng Bayambang, Pangasinan, na si Niña Jose-Quiambao na inireklamo ang mabahong mikropono sa isang official function na dinaluhan niya.
Sa video na kumakalat ngayon sa social media, makikita si Niña na nagsasalita habang nasa entablado nang bigla siyang mapahinto at humingi ng panibagong mikropono.
Paliwanag ng alkalde, hindi niya makayanan ang mabahong amoy ng gamit na microphone habang nagsasalita kaya nais niya itong palitan.
Natatawa niyang sabi, “Poca, can I change the mic? There's bad breath here.
“Sorry, mabaho talaga yung mic. I can't, mabaho, it's amoy maasim.”
Dagdag pa niya, “I don’t wanna have halitosis [bad breath], you know.”
Kuha ang video sa ginanap na flag ceremony ng kanilang bayan noong Lunes, March 18, 2024.
Read: Bayambang Mayor Niña Jose calls out “entitled” youth disrespecting her: “I’m sick of it.”
NETIZENS REACT
Mabilis na kumalat ang video, kunsaan marami sa netizens ang dismayado sa pagiging prangka ni Niña.
Anila, hindi maganda ang ginawa ng alkalde na halos ipagsigawan pa ang amoy ng mikropono sa harap ng kanyang constituents.
Tweet ng isang netizen (published as is), “Poca(?) can you change the mic? There’s bad breath here…sorry it’s amoy maasim…I don’t want to have halitosis.” Mayor daw yan ng Bayambang, Pangasinan, “a Filipina actress,” at nag-join din pala sa Pinoy Big Brother. The actress-politician should be taught a lesson or two about how not to be tactless, at least, in front of her constituents. In bad taste ang pagpapa-cute mo mayora!”
Sabi ng isa, “pwede naman kasi magsabi to change the mic without saying it ON the mic pero talagang inannounce pa.”
Read: Mayor Niña Jose claps back at bashers after Bayambang bridge collapse
Saad pa ng isa, “Ang bastos lng nkakaoffend sa mga tao na gumamit sa mic prior to her.”
Dagdag pa ng isa, “There's always a nice and proper way to address issues especially if you are high public servant. Nakakadisappoint. Wala siyang smart moves.”
Read: Mayor Niña Jose warns Bayambang residents to stay away from collapsed Wawa Bridge
May iba namang ipinagtanggol ang alkalde at sinabing prangka at may pagkamaarte na ito kahit noong siya’y artista pa lamang.
Si Niña ay naging housemate sa Pinoy Big Brother: Teen Edition Season 1 noong 2006, bago pa niya pasukin ang mundo ng politika.
Sa PBB, kasabayan niya sina Kim Chiu, Gerald Anderson, at Matt Evans.
Read: Pinoy Big Brother Teen Edition 1 housemates: Where are they now?
Sabi ng isang netizen, “PBB palang maarte na yan..Hahaha kabatch ni Kim yan sa PBB.”
Habang isinusulat ang artikulong ito ay wala pang reaksiyon si Niña tungkol sa nasabing insidente.
Read: Mayor Niña Jose takes the blame for late class suspension in Bayambang, Pangasinan