Bagong addition si Zonia Mejia sa roster ng mga batang kontrabida ngayon sa Kapuso network.
Gaganap siya sa GMA Afternoon Prime series na Lilet Matias: Attorney-At-Law bilang si Trixie Engano, isa sa mang-aapi kay Jo Berry.
Read: Lilet Matias: Attorney-at-Law, hindi inspired by Extraordinary Attorney Woo
ZONIA MEJIA'S BIGGEST BREAK
Biggest break daw ito kay Zonia since naging part siya ng Sparkle GMA Artist Center noong 2019.
Aniya, "It's my biggest role po kaya talagang pinahandaan ko po siya. Nag-audition po ako for the role of Trixie.
"Siyempre po noong una, hindi ko po kasi alam na kontrabida si Trixie at kung ano ang mangyayari sa character.
"Pero ginalingan ko po sa audition, and I want din na makuha itong role.
"So ang tagal po ng paghintay ko. Siguro mga one month din bago ulit ako tawagan for this role.
"Actually, hindi na ako masyadong nag-expect din. I said, 'Okay lang. I did my best naman.'
"And now na nandito na ako at nakuha ko na yung role, sobrang thankful po ako to be part of this teleserye."
Gusto na rin daw maiba ni Zonia sa mga dating roles na nagawa niya bilang mabait at sweet na best friend sa mga nilabasan niyang series na Sahaya (2019), Heartful Cafe (2021), and I Left My Heart In Sorsogon (2021).
ZONIA MEJIA'S FIRST KOTRABIDA ROLE
RSa Lilet Matias, malaki raw ang naitulong kay Zonia ng co-star niyang si Sheryl Cruz na gaganap na ina niya sa teleserye.
Read: Anak ni Sheryl Cruz, magtatapos bilang summa cum laude
Sabi niya, "Noon po kasi, hindi nila ako mabigyan ng kontrabida role kasi masyadong raw pong maamo yung face ko. Pati yung boses ko raw, masyadong mabait.
"Since I'm 22 na po, I want to explore pagdating sa acting po. I want to change my look, like sa make-up, sa buhok, and how I dress. I want to look the part na ibibigay nila.
"Ang saya po pala maging kontrabida. Yung puwede kang maging bait-baitan at sinungaling.
"And natututo po ako nang sobra kay Ms. Sheryl, lalo na sa pag-arte bilang maldita.
"I just observe her po and nakakakuha na ako ng tips sa kanya on how to handle a scene with Ate Jo.
"I am so grateful po na they gave me this break at gusto ko pong ituluy-tuloy na ang maging kontrabida.
"Ang gusto ko pong peg ay parang si Ms. Julia Montes. Yung bida but at the same magaling na kontrabida.
"Gusto ko rin pong masubukan yung dual character in the future. Yung isang mabait at isang maldita. I would love to be able to do that balang araw."
Pinuri naman ni Zonia si Jo Berry dahil sa husay daw nitong umarte at sa pag-alalay din sa kanya sa mga eksena nila.
"Yung character ko pong si Trixie, spoiled brat siya, sinungaling at nagbabait-baitan.
"Kapag ibang tao ang kaharap, because she's on social media, feeling good girl.
"Pero kapag walang nakakakita, nag-iiba yung personality niya especially kapag nandiyan si Lilet.
"Si Ate Jo, sobrang galing, and it's my first time working with her and she made our scenes so easy.
"Sa first taping day po namin, inaaway at sinasaktan ko na agad siya. So, ako po very mindful ako kung paano ko siya gagawin.
"Kasi itutulak ko siya sa eksena. Parang ang hirap for me na gawin iyon kay Ate Jo. But she was so helpful.
"Every time na may eksena kami na mahirap gawin, Ate Jo would give me a look para mas magalit at mainis ako sa kanya.
"So lalabas yung emotions ko at maitatawid namin yung eksena. Kaya thank you, Ate Jo! I love working with her!"
ZONIA MEJIA ON LOVE TEAM WITH Jamir Zabarte
Ni-launch via Sparkle Sweethearts noong 2022 si Zonia kasama ang kanyang ka-love team na si Jamir Zabarte. Tinawag ang love team nila na JaNia. Kasabay nilang love teams na ipinakilala noon sina Mavy Legaspi at Kyline Alcantara (MavLine), Althea Ablan and Bruce Roeland (AlBruce), Abdul Raman and Shayne Sava (AbdAyne), at Allen Ansay and Sofia Pablo (AlFia).
Read: Sofia Pablo details how she got scammed by seller of Taylor Swift's The Eras Tour tickets in Singapore
Kasama ang JaNia love team sa mga shows na Heartful Cafe at ang kasalukuyang umeere na Jose & Maria's Bonggang Villa. Nagpe-perform din sila sa All-Out Sundays.
Dahil sa bagong image na gusto ni Zonia, nabuwag na raw ang love team nila ni Jamir.
Aniya, "Kami naman po ni Jamir, friends naman po kasi talaga kami, close talaga kami, and nagkaka-work pa rin po kami sa mga hosting gigs like I Bilib, AOS, and other shows.
"Madalas po sa mga hosting gigs po kami nagkakasama.
"Pero sa mga teleserye po, napag-decide din po namin ng management na mag-kanya-kanya muna para makapag-explore kami individually sa career po namin.
"I do miss Jamir kasi he's a very good friend. Makulit at laging masaya. Before pa kami ni-launch as JaNia loveteam, may bond na kami talaga.
"'Yung love team lang ang nawala, pero hindi po mawawala 'yung friendship namin. I always wish him the best sa mga ginagawa niya ngayon."