Dumispensa at nagpaliwanag si Senator Robin Padilla sa batikos ng maraming netizens sa asawang si Mariel Padilla.
Ito ay kasunod sa viral na deleted post ni Mariel tungkol sa kanyang gluta-drip session sa opisina mismo ng asawa sa Senado.
Read: Mariel Padilla receives backlash for gluta-drip session at husband Senator Robin Padilla’s office
Sa post sa X ng ABS-CBN News reporter na si Sherrie Anne Torres ngayong Biyernes ng hapon, February 23, 2024, natatawa lamang daw ang senador sa mga batikos sa asawa.
Sabi rito, "Sen Robin Padilla laughs off netizens who criticize his wife, Mariel Padilla's gluta drip session inside his office: No intention of disrespect My wife loves To promote good looks and good health."
Kalakip na yan ang screenshot ng mensahe ni Robin sa Senate reporter's Viber group.
Nakasaad dito, “Nakakatawa naman po ang political isyu na yan.
"May goodness. Kung may nakita po silang masama sa larawan na yan, paumanhin po."
Wala raw masamang intensiyon ang asawa. Nais lamang daw nito magtaguyod ng "good looks and good health."
Ani Robin, "No intention of disrespect.
"My wife loves to promote good looks and good health.
"Natatawa talaga ako."
Matatandaang nakatanggap ng labis na batikos si Mariel mula sa netizens dahil sa kanyang regular gluta-drip na ginawa niya sa opisina ng asawa noong February 21, 2024.
Nasa Senado ang maraming celebrities, kabilang na si Mariel, para suportahan ang pagpasa ng Eddie Garcia Bill.
Ang Eddie Garcia Bill ay panukala sa Kongreso na layuning protektahan ang mga manggagawa sa entertainment industry.
Pinasunod ni Mariel ang mga taong nakatakdang magturok sa kanya ng gluta-drip.
Habang hinhintay ang session sa Senado, isinagawa kay Mariel ang nasabing procedure.
Nagpakuha pa ng larawan si Mariel habang nagpapa-gluta drip at makikita sa kanyang likuran ang asawang si Robin.
Sabi ni Mariel sa caption, “Drip in anywhere is our motto! Hehehe.
"I had an appointment with @dripinluxeph but I was going to be late so I had it done in my husband’s office hehe
"I never miss a drip because it really helps in sooooo many ways. Collagen production, whitening, energy, metabolism, immunity and soooo much more!!!"
Nag-viral din ngayong araw sa X ang Instagram Live ni Mariel sa account mismo ng nasabing gluta-drip.
Post ng isang netizen, "THIS IS WHERE OUR TAXES GO!"
Hindi pa aprubado ng Food and Drug Administration (FDA) ang mga gluta-drip.
Wala pa ring pahayag si Mariel ukol dito.