Ang maging artista talaga ang gusto ni Liezel Lopez kaya nagtiyaga siyang mag-audition para sa sixth season ng StarStruck noong 2015.
Read:TOTOO BA: Luis Manzano was first choice to host StarStruck?
Hindi naman daw nasayang ang efforts niya dahil top 7 siya sa batch, na pinangunahan nina Migo Adecer at Klea Pineda, and top 4 among the girls.
“Nag-start po kasi ako sa acting-acting sa mga schools, sa church, mga 12 years old po ako. Sabi ko, talagang mag-o-audition ako sa StarStruck.
“Na-inspire ako kay Jackie Rice [StarStruck Season 3 Ultimate Female Survivor] kasi taga-Olongapo rin po ako. Same school din po ako kunsaan nag-aral si Jackie."
Read: Jackie Rice reveals reason behind selling house, taking showbiz hiatus
Siyempre, very attractive din kasi talent fee ng isang artista.
“Parang nagiging escape ko yung acting na puwede kang maging kahit sino, umaarte ka.
"Actually, wala pa nga pong bayad kami noon sa theater. Ano lang po kami, noodles-noodles lang yung bayad po sa amin. Siyempre gusto natin na trabaho, may pera.
"Pero passion ko po talaga ang pag-arte.”
BEAUTY QUEEN OR ACTRESS?
Sa height niyang 5'6", marami raw ang nag-engganyo sa kanya noon na sumali sa beauty pageants.
Pero mas pipiliin daw ni Liezel ang maging aktres.
"May mga gusto i-train ako para sa mga pageants, pero sabi ko na pang-artista po talaga ako. Hindi ko po kaya yung pressure ng beauty pageants!
“Nag-try po ako once. Pero masyado po akong emotional. Yung pagdating na sa question and answer, parang nagiging emotional ako. Hindi ako makasagot nang tama, nakakahiya!
“Parang sabi ko, mag-artista na lang ako."
BIGGEST BREAK AS KONTRABIDA
Magsisimula na ang bardagulan nina Liezel at Jasmine Curtis-Smith sa GMA-7 prime-time teleserye na Asawa Ng Asawa Ko.
Magtutuos ang mga karakter nilang Cristy at Shaira para patunayan kung sino ang mas may karapatan na maging legal wife ni Jordan, na ginampanan ni Rayver Cruz.
Sa panayam ng PEP.ph (Philippine Entertainment Portal) kay Liezel sa mediacon ng serye, biggest break niya bilang kontrabida ang pagganap sa papel ni Shaira.
Aniya tungkol sa kanyang role, “Si Shaira, hindi kanya gagalawin unless ikaw talaga mag-provoke sa kanya. I think yun, isa siyang ticking time bomb.
“Akala ng lahat nga, patay na si Cristy, di ba? Tapos bigla siyang babalik, tapos aagawin mo na lang yung asawa ko. Hindi puwede yun.
“Pero kung kayo po ang nasa situation ni Shaira, na akala mo tapos na sila nung asawa niya.
"Four years nang nakalipas, nagpakasal na kayo, tapos biglang babalik. Magalit ako at magagalit din siya.
"Abangan niyo ang mga mangyayari.”
LIEZEL'S CHALLENGE IN PLAYING JASMINE'S KONTRABIDA
Nahirapan daw magalit si Liezel kay Jasmine dahil napakabait niya.
Kaya todo-focus daw ang 26-year-old Kapuso para hindi niya makalimutang kaaway ni Shaira si Cristy.
Read: Jasmine Curtis-Smith brings on coastal vibe in her city condo
“Ang hinap po kaya magalit kay Ate Jasmine kasi sobrang bait niya po.
"Pero kailangan talagang ma-get into character kami para magawa namin nang tama yung eksena.
“Ang nasa isip ko parati ay, ‘Oo nga naman. Kung ikaw nga naman si Shaira, hindi mo rin puwedeng basta-basta din i-le-let go yung asawa mo, di ba?
"So I think, dun po ako humuhugot ng galit kay Cristy. Kapag nasa scene na kami, ayan na, 3, 2, 1, action!”
LIEZEL ON SAMPALAN SCENES
Hitik daw sa sampalan at sabunutan ang mga eksena nina Liezel at Jasmine. Pero mas takot daw siya sa sampal ng veteran actress na si Gina Alajar, na kasama rin sa serye.
Read: Gina Alajar on Laurice Guillen as director: "Takot na takot ako sa kanya."
“Nakakaloka po. Actually, natatakot po ako kay Direk Gina pagdating sa sampalan. Kami naman ni Ate Jas, kung kaya na peke at mukhang totoo, yun ang ginagawa namin. Grabe yung mga sampalan namin dito. Makatotohanan!” tawa pa ni Liezel.
Isa pang kinakatakutan ni Liezel ay ang kanilang direktor na si Laurice Guillen.
Pinagsabihan daw silang lahat ng award-winning actress-director na laging isapuso ang kanilang characters.
“Gusto ko po talaga makatrabaho si Direk Laurice kasi naka-work ko na po yung anak niyang si Ms. Anna Feleo.
"So noong first day ko po, clear agad sa akin yung gusto ni Direk Laurice sa character ni Shaira na ganito, ganyan, si Shaira.
“Sinabihan po niya ako na, ‘You have to do your work and then come back and then deliver.’ Hopefully po na-deliver ko naman.
"So far, wala pa naman pong masyadong bad comments si Direk Laurice.”
Handa raw si Liezel sa mga magagalit sa character niya.
“Okay lang kung may mga magalit po sa akin. Ibig sabihin I'm doing a good job being a kontrabida. Kasi yun ang mararamdaman nila. Ibig sabihin nag-work po yung ginagawa ko.
"At may care sila at invested sila sa napapanood nila sa akin.”