It’s confirmed!
May nasungkit si Lovi Poe na bagong proyekto sa Hollywood sa ikalawang pagkakataon.
Ayon sa exclusive report ng American online news site na Deadline, noong February 15, 2024, isa ang Kapamilya actress sa bigating cast ng upcoming Hollywood independent film na Bad Man.
Isa itong action-comedy film na hango ang kuwento sa totoong buhay ng isang federal state police officer na lulong sa ipinagbabawal na gamot.
Ang American Pie star na si Seann William Scott ang bibida rito, kasama niya sina Johnny Simmons (The Perks of Being a Wallflower), Rob Riggle (21 Jump Street), Chance Perdomo (After We Fell), at Andre Hyland (Barry).
Ang director ay si Michael Diliberti. Isa rin sa magsisilbing producer ang mister ni Lovi na si Monty Blencowe.
Read: Lovi Poe to Monty Blencowe: "I want this life with you and I'm going to make it work"
Sa Intagram nitong Biyernes, February 16, proud at masayang inanunsyo ni Lovi sa kanyang mga tagahanga ang bago niyang milestone sa Hollywod.
Ito'y matapos niyang i-post ang screenshot ng naging headline ng Deadline, kalakip ang mga litrato niya kasama ang ilang Hollywood co-stars.
Mababasa sa caption niya (published as is), "So happy to finally announce being part of BAD MAN.
"Can’t wait to share more about this amazing film with an even more amazing cast!
"(Yes, this was the reason why I was in Alabama!)"
Habang isinusulat ang artikulong ito ay hindi pa tukoy kung ano ang role na gagampanan ni Lovi sa Bad Man.
Ito na ang ikalawang Hollywood project ng aktres kasunod ng partisipasyon niya sa The Chelsea Cowboy, ang pelikulang halaw sa makulay at kontrobersiyal na buhay ni John Bindon (1943-1993), na hanggang ngayon ay hindi pa rin napapalabas.
Read: Lovi Poe confirms casting in Hollywood film The Chelsea Cowboy
Samantala, bago makumpirma ang pagganap ni Lovi sa Bad Man, ay napanood muna siya sa ABS-CBN primetime series na FPJ's Batang Quiapo bilang si Mokang.
January 4, 2023, nang mamaalam siya sa serye matapos mamatay ang kanyang karakter.
Read: Lovi Poe ends FPJ’s Batang Quiapo stint; her character Mokang dies
READ MORE:
- What it costs to stay at Cliveden House, venue of Lovi Poe-Monty Blencowe wedding
- FIRST LOOK: Lovi Poe looks like royalty in her Patricia Santos wedding gown
- Celebrity guests at Lovi Poe and Monty Blencowe's wedding in England
- "Hindi na BFF?" Heart Evangelista responds to netizens asking why she did not attend Lovi Poe's wedding