Isang thumbs-up with matching smile ang sagot ni Enrique Gil nang tanungin ng PEP.ph (Philippine Entertainment Portal) kung magkasintahan pa rin sila ni Liza Soberano.
Tinanong ito ng awtor na ito sa dulong bahagi ng maiksing panayam kay Enrique pagkatapos ng mediacon para sa I Am Not A Big Bird.
Pagkatapos sumenyas ng thumbs-up ay magiliw, pero mabilis na nagpaalam na ang aktor.
Pero malinaw na kumpirmasyon ang pag-thumbs-up ni Enrique na sila pa rin ni Liza.
Bago ang tanong tungkol sa status nila ni Liza, naibahagi ni Enrique sa PEP.ph na mahirap para sa kanila ang long-distance relationship.
"It's hard, it's super hard. Sabi ko nga sa kanya, parang wala ka nang time sometimes to answer.
"Sabi niya, wala rin siyang time sa sarili niya.
"Super busy kaming dalawa, but I think it's good. Marami kaming naa-achieve on our own collectively, so super happy."
Sa hiwalay na panayam ni Enrique sa TV Patrol, sinabi ni Enrique na na-realize nila ni Liza na hindi nila kailangang isentro sa isa't isa ang kanilang buhay.
Read: Enrique Gil confirms he and Liza Soberano are still together
Hindi naman direktang naitanong kay Enrique ang isyung naghiwalay sila ni Liza.
Sa ulat ng Cabinet Files, na column sa PEP.ph, noong December 1, 2023, nakasaad na umamin si Liza sa isang unreleased interview na hiwalay na sila ni Enrique.
Sinasabing October 2022 pa hiwalay umano ang dalawa.
Read: Liza Soberano inaming break na sila ni Enrique Gil sa isang unreleased interview
SUPPORTIVE OF EACH OTHER
Sa pagpapatuloy ng interview ng awtor na ito, siniguro ni Enrique na pareho sila ni Liza na sinusuportahan ang isa't isa para sa kani-kanilang pelikula.
Nasa Amerika si Liza para i-pursue ang kanyang Hollywood career, at kasalukuyang ipinalabas ang pelikulang Lisa Frankenstein kunsaan pinalad itong mabigyan ng meaty role.
Read: REVIEW: Liza Soberano’s campy Lisa Frankenstein shocks and awes
Si Enrique naman ay ipinagpatuloy ang showbiz career sa bansa, at ipalalabas na rin ang comeback film na I Am Not A Big Bird.
May video greeting si Liza para kay Enrique sa trailer ng I am Not A Big Bird.
Sabi pa ni Enrique, "Nagbigay din ako video for her promo kasi nasa U.S. siya ngayon for her promo."
Kailan sila susunod na magkikita?
Sagot ni Enrique, "Hopefully, pag-uwi niya ng [February] 13, because mayroon siyang endorsement shoot.
"Baka makapunta rin siya sa premiere night."
Read: Liza Soberano's role is Oscar-winning screenwriter's favorite in Lisa Frankenstein
Sa February 13 ang premiere night ng I am Not A Big Bird.
Kilala sina Liza at Enrique sa tambalang LizQuen.
Bagamat solo career na sila ngayon, bukas si Enrique na makasama uli si Liza sa isang proyekto.
"Of course! May production company din siya. May project ako na baka puwede kaming dalawa, and baka may project din na naiisip siya.
Huling pinagtambalan nila sa telebisyon ay ang Make It With You noong 2020, at sa pelikula naman ay Alone Together noong 2019.
Read: Enrique Gil at James Reid, suportado ang first Hollywood movie ni Liza Soberano
ON HIS NEWEST MOVIE
Bida si Enrique sa I Am Not A Big Bird na ipalalabas sa mga sinehan sa February 14. Kasama sa cast sina Pepe Herrera, Red Ollero, Nikko Natividad.
Co-produced ito ng Black Sheep ng ABS-CBN, Anima Studios ng Globe, at Immerse Entertainment, na pag-aari ni Enrique.
Nakaramdam ba si Enrique ng pressure na solo siya sa pelikula?
"Walang pressure sa akin. I'm just super happy. Sa akin, anuman ang mangyari, I'm just happy and super proud na nilabas namin ang film na ito. Okay na ako dun."
Tinanong din si Enrique kung ano ang challenges na pinagdaanan niya habang ginagawa niya ang I Am Not Big Bird.
"Dalawa ang characters na ginagampanan ko dito, si Curfew saka si Big Bird.
"Tapos siguro yung challenging part, I've been out for couple of years and just coming back, yun ang challenging for me.
"Coming back, getting the feel of it and portraying the two characters. Sana lang nakakatawa, yun lang."
Dream come true raw para sa kanya ang makagawa ng comedy film dahil fan daw siya ng comedy tulad ng kanyang ama.
"Growing up, we always watch comedy, yun ang pang-destress ko, e, watching comedy films.
"Heto ang hilig ko, bakit di ako gumawa ng ganito? Sabi nga nila, mas mahirap magpatawa kaysa magpaiyak,
"But it was made easy because of the cast and the situation."
Handa na ba si Enrique na mabansagang "Big Bird" dahil sa kanyang pelikula?
"Actually, nasa CR ako the other day dito. May mga engineers na di ko na nakikita for many years.
"Sabi, 'O, heto pala si Big Bird, o!' Ayos, o, puwede, puwede!"