Feeling blessed si Ervic Vijandre dahil bukod sa pagiging aktor ay isa rin siyang public servant at successful businessman.
Nahalal si Ervic bilang konsehal sa siyudad ng San Juan noong 2022 elections.
Lumago na rin ang negosyong kinaaaniban niya, ang Tipsy Pig Gastropub, kung saan meron siyang shares sa ilang branches nito.
"Ako naman kasi, hindi ko pa ikinu-consider na successful na successful na," pahayag ni Ervic sa exclusive interview sa kanya ng Philippine Entertainment Portal (PEP.ph).
"Sa akin kasi ngayon, parang... ano lang ako, I'm thankful for all the blessings na dumadating and for all the opportunity.
"Hindi ko siya tini-take for granted. Pinahahalagahan ko lahat na dumadating sa aking pagkakataon."
Kahit masasabing may mga negosyo na siya, hindi pa rin daw niya kinakalimutan ang showbiz kung saan siya nagsimula.
Kasama si Ervic ngayon sa teleseryeng Black Rider ng GMA-7.
Saad niya, "Yes, yun nga sinasabi ko sa yo, na sobrang thankful ako, grateful ako sa opportunity, and yung opportunity yun na ibinigay sa akin na maging artista, hanggang ngayon, pinahahalagahan ko yun.
"Hindi dahil meron akong bagong nabuksan, na-unlock na career, e, kakalimutan ko yung isang bagay na lagi kong naiisip na maraming mapunta dito.
"So, sa akin, hindi ko siya para i-take for granted, hindi ko siya para balewalain na dahil meron akong...
"Kumbaga, parang nung bata kami, may bago kang laruan na gustung-gusto mo, naregaluhan ka ng isang bagong laruan na mas new version.
"Hindi ko puwedeng kalimutan yun [luma]. Yung loyalty ko andun."
Kumusta naman ang buhay niya bilang konsehal?
Sagot ni Ervic, "Okay naman. Siyempre, andun pa rin yung bagito pa rin ako sa larangan ng pagserbisyo sa mga tao.
"Pero andun pa rin ako, same lang with paano yung strategy ko nung nag-start ako sa Survivor.
"Which is observe lang una, observe, observe.
"Then through my observation, parang yung mga ginagawang magaganda ng mga kasama ko, tina-try ko rin na yun yung gagawin ko."
Ang tinutukoy na "Survivor" ni Ervic ay ang reality show ng GMA-7 na Survivor Philippines Celebrity Showdown noong 2008.
Binabalak na din daw niyang mag-aral ng short courses sa governance.
Ang hawak niyang committee sa konseho nila ay sa market at livelihood.
Paliwanag ni Ervic "Seminars, yung pwede nilang gawin na nasa bahay lang. Tapos gusto nilang kumita."
Dahil sa kanyang maraming inaasikaso, tila nawalan muna ng panahon si Ervic sa kanyang love life.
Read: Ervic Vijandre prioritizes career over love life: “Yun nga lang talaga ang kulang.”