“tres marias” ang simpleng caption ni Sarah Lahbati sa ibinahagi niyang larawan nila nina Kathryn Bernardo at Miles Ocampo sa Instagram Story kagabi, January 31, 2024.
Makikita sa mukha ng tatlong aktres ang kasiyahan habang naka-back hug sila sa isa't isa.
Kuha ang larawan sa gender reveal ng magiging anak ng mag-asawang Maja Salvador at Rambo Nuñez na ginanap sa M Residences, Acacia Estates, Taguig City, Miyerkules ng gabi.
Read: Maja Salvador and Rambo Nuñez expecting a baby girl
Naging interesante ang larawan ng tatlo dahil sa pagkakapareho nila: lahat sila ay nahiwalay sa kanilang karelasyon noong 2023.
November 23, 2023 inamin ni Elijah Canlas na naghiwalay na sila ng girlfriend na si Miles. Pero nananatili naman daw silang magkaibigan.
Read: Elijah Canlas at Miles Ocampo, two years and going strong
Sa kanyang panig, sinabi ni Miles na hindi biro ang pinagsamahan nila ni Elijah sa lampas dalawang taong relasyon nila.
Saad niya sa vlog ni Karen Davila, “Siyempre, Miss Karen, di na naman biro yung mga pinagdaanan namin.
"Of course, may mga bagay na kaming dalawa lang ang makakaalam at makakasagot sa isa't isa.
“So, might as well, be friends for now.”
Tanong pa ni Karen, “Siya ba ang true love mo?"
Sagot ni Miles, “Yes, Miss Karen. First jowa. First boyfriend. First everything.”
Read: Miles Ocampo finally breaks silence on breakup with Elijah Canlas
Si Kathryn naman ay inanunsiyo ang hiwalayan nila ng longtime boyfriend na si Daniel Padilla noong November 30, 2023.
Read: Kathryn Bernardo confirms breakup with Daniel Padilla
Samantala, noong December 8, 2023, si Annabelle Rama mismo, ina ni Richard Gutierrez, ang nagpahiwatig na hiwalay na ang anak sa asawa nitong si Sarah.
Saad ni Annabelle, "Si Richard, nasa bahay ko ngayon, one month na. Pero unti-unti siyang lumilipat ng gamit sa Alabang. Lilipat na siya after Christmas."
Ayon pa kay Annabelle, nasa poder niya ngayon ni Richard ang dalawang anak nila ni Sarah.
Nang tanungin kung may gusot sila ni Sarah, makahulugang sagot ni Annabelle, "Hindi ko siya kinakausap. Wala akong time makipag-usap sa kanila."
Dagdag pa niya, "Mahirap sa kanya kasi, unang-una, trabaho siya nang trabaho, wala siyang ginawa kundi magtrabaho.
"Pagdating niya sa Manila, hindi niya alam kung bakit nagkaroon ng gulo. Yun lang yun. Maghihintay lang kayo kasi malalaman niyo rin, not now.
"Nakikita mo naman di ba? Nakikita mo naman, hindi mo na kailangang magsalita pa. Nakikita mo na yan, di ba? Si Richard trabaho nang trabaho, yung isa nagwawaldas ng pera. Yun lang ang masasabi ko diyan.”
Read: Did Annabelle Rama just confirm Richard Gutierrez-Sarah Lahbati breakup?