Kathryn Bernardo set to renew contract with Star Magic

Tinuldukan na ng Star Magic, ang talent management arm ng ABS-CBN, ang matagal nang haka-hakang lilipat ng management ang A-lister talent nilang si Kathryn Bernardo.

Sa kanilang Instagram post nitong Huwebes, January 31, 2024, inanunsiyo ng Star Magic ang pagre-renew ng exclusive contract ni Kathryn bukas, Biyernes, February 2.

Mababasa sa kanilang caption, kalakip ang litrato ni Kathryn (published as is), “A very special milestone is afoot our ‘Asia’s Superstar’ and ‘Outstanding Asian Star,’ Kathryn Bernardo!

“This FEBRUARY 2, witness Kathryn flip the page to new stellar adventures as a Kapamilya in her ‘FOREVER KAPAMILYA’ contract signing!”

Matagal nang bulung-bulungan ang diumano'y paglipat ni Kathryn sa Crown Artist Management, ang talent management na pinamamahalaan ng dating Kapamilya actress na si Maja Salvador at ng mister nitong si Rambo Nuñez.

Read: Kathryn Bernardo lilipat na sa Crown Artist Management nina Maja Salvador at Rambo Nuñez?

Ang haka-hakang ito ay nagsimulang umugong matapos kumpirmahin sa publiko nina Kathryn at Daniel Padilla, noong November 30, 2023, na nagwakas na ang labing-isang taon nilang relasyon.

Read: WHAT PEP KNOWS: Kathryn Bernardo discovers Daniel Padilla cheated on her from Andrea Brillantes herself—sources

December 12, mariin itong itinanggi ng ina ni Kathryn na si Min Bernardo sa eksklusibong panayam niya sa ABS-CBN News.

Ayon kay Min, walang katotohanan ang espekulasyong ito.

Read: Karla Estrada, Min Bernardo send love to KathNiel amid breakup

Maaaring naging basehan daw ng netizens ang hiwalayan ng KathNiel, ngunit hindi raw totoong aalis si Kathryn sa poder ng Star Magic.

Paglilinaw niya, "No. Hindi siya aalis ng Kapamilya network!"

Read: Min Bernardo denies daughter Kathryn Bernardo's rumored network transfer amid KathNiel breakup

Samantala, sa comments section ng IG post ng Star Magic tungkol sa paparating na araw ng pag-renew ng kontrata sa kanila ni Kathryn ay bumuhos ang komento mula sa mga tagahanga ng aktres.

Saad ng isang fan (published as is), "Congratulations Kath and looking forward to your continuous growth as an actress and creating more blockbuster movies & teleseryes!"

Sabi ng isa, "She's [heart and fire emoji] marunong lumingon at may mabuting puso."

Hirit pa ng isa, "Congratulations Kath and looking forward to your continuous growth as an actress and creating more blockbuster movies & teleseryes!"

Read: Kathryn Bernardo and Jericho Rosales spotted together on a night jog