Hindi naitago ni Carla Abellana ang kanyang pagkasabik makatrabaho sa kauna-unahang pagkakataon ang kapwa Kapuso actress na si Bea Alonzo.
Nakatakdang bumida sina Carla at Bea sa upcoming Kapuso prime-time series na Widows' War.
Read: Unraveling main cast of GMA-7 prime-time series Widows' War
Sa Instagram nitong Miyerkules, January 24, 2024, ibinahagi ni Bea ang snippet video sa naganap na story conference para sa kanilang bagong serye.
Ani Bea, excited siyang gawin ang bago nilang teleserye dahil kakaibang genre at experience ito para sa kanya.
Dagdag pa raw ritong makakasama niya si Carla at ang direktor na si Zig Dulay.
Si Zig ang direktor ng hit prime-time series na Maria Clara At Ibarra at ang MMFF 2023 Best Picture na Firefly.
Mababasa sa caption ni Bea (published as is), "We had a story con for our new series, 'Widow’s War,' yesterday. I’m excited to explore a different genre on TV. It will be a spinoff of the well-loved series, 'Royal Blood' and 'Widow’s Web'.
"I’m happy that I’ll finally be able to work with @carlaangeline and @zigcarlo! Watch out for it this 2024 only on GMA."
Sa comments section ng kanyang post, inihayag naman ni Carla ang kasiyahang makasama sa isang proyekto si Bea.
Mensahe ni Carla kay Bea, "A surreal and wonderful blessing for me to be working with you, Bea. I still can’t believe this is happening."
Pagbabahagi pa ni Carla sa panayam niya sa 24 Oras, pangarap niya noon pa mang makasama si Bea dahil humahanga siya sa galing nito bilang aktres.
Aniya, "Ever since naman po iyan [gusto ko ng makasama si Bea], and of course noong nag-transfer po siya sa GMA, parang feeling ko within reach na po yung opportunity.
"So I'm very grateful na at least nabuo ito and we were given the chance to finally work together."
Read: My Guardian Alien, Widows’ War, Love. Die. Repeat, Sang'gre among GMA 2024 offerings
Katulad ni Carla, itinuturing din ni Bea ang pagsasama nila ni Carla sa isang proyektong pangarap na ngayo'y natupad.
Sabi ni Bea, "I've always been vocal about wanting to work with Carla and Direk Zig for so long and it's finally happening, and I know that we have a very strong and beautiful script and [also] excellent cast."
Maliban kina Carla at Bea, tampok din sa Widows' War sina Jackie Lou Blanco, Tonton Gutierrez, Mark Herras, Jeric Gonzales, Juancho Triviño, Lito Pimentel, Rita Daniela, Timmy Cruz, Lovely Rivero, James Graham, Charlie Fleming, Matthew Uy, at Benjamin Alves.
Wala sa story conference si Gabbi Garcia, na nauna nang inanusiyo ng GMA-7 na makakasama nina Bea at Carla na bibida sa teleserye.
Habang isinusulat ang artikulong ito ay wala pang kumpirmasyon kung kasama pa rin si Gabbi sa cast ng Widows' War.