Mainit ang sagutan at bangayan ng netizens kaugnay ng social-media post ng isang female netizen, na tila isang conventional Catholic, tungkol sa wedding set-up ng isang simbahan sa Bohol.
Sa larawan na in-upload noong January 18, 2024, makikitang napakagarbo ng St. Joseph The Worker Cathedral o Tagbilaran Cathedral sa Bohol.
Nagmistulang garden ito ito dahil punung-puno ng pink roses at iba pang bulaklak ang buong isle ng simbahan.
Dismayado ang tono ng uploader. Aniya, kalapastangan daw ito para sa Simbahan na lugar ng pagsamba.
Nagmukha raw itong teatro o ballroom sa isang hotel dahil sa exaggerated decorations.
Parte ng post niya: “I am saddened by how the Tagbilaran Cathedral has transformed in this photo. I am lost. Simbahan ba ni or theatre or stage or decorated ballroom of a hotel?
“Call me old-fashioned or ‘Jurassic,’ but I am just not happy with how the The Tagbilaran Cathedral looks in this photo.”
Nakiusap din siya sa pamunuan ng simbahan na mag-“lead in tempering lavish, ostentatious and outlandish weddings in the Cathedral.”
Sabi pa niya, “Jesus lived among and evangelized with the poor and the lowly. We need to reflect on this very deeply and act accordingly!”
NETIZENS REACT
May mga sumang-ayon sa uploader.
Sabi ng isa, kawalang respeto raw ito sa simbahan.
Komento ng isa pa, hindi lang daw ito pagyayabang kundi pagiging insensitibo rin sa mga hirap at salat sa buhay.
May nangatwiran naman na temporary lang naman ang set-up.
Pero sagot ng uploader, “It being temporary or removable is not an excuse. The church as a place of worship should be made holy and sacred at all times.”
Read: Alexie Brooks, palengke vendor and athlete, is Miss Iloilo 2024; to join Miss Universe Philippines
Sa isa pa niyang komento, sinabi rin ng uploader na mas nagiging circus na ang mga kasal dahil sa “show of materialities and who can afford.”
Tinawag niyang “extravagance and grandstanding” ang décor sa loob ng simbahan.
Dagdag niya, “This is scandalizing the place of worship, to say the least.”
May mga dumipensa naman sa “extravagant” decor.
Komento ng isa, kung ito naman daw ay ikasisiya ng ikakasal, hindi dapat maging isyu.
“That’s what makes them happy, hindi niyo naman kasal."
Banat ng isa pa, “You know what scandalizing is? Yung religious kuno ka pero judgmental ka.”
Katwiran ng isa pa, hindi magagalit ang Diyos sa ganitong kagarbong ayos sa simbahan. Kundi matutuwa pa siya na sa nangyari ang kasal sa simbahan.
Sinabi naman ng isa pa na huwag na dapat magreklamo tungkol sa gusto ng iba.
“The couple might have saved for this important event sa ilang life, a dream wedding.
“We have different dreams to chase, pls don’t be a hater coz their vision doesn’t align to yours.”
May libu-libong reactions, comments, and shares na ang FB post.
EDITED PHOTO
May iba naman na napansing edited ang larawan.
May naglabas din ng sinasabing original photo at makikita rito ang pagkakaiba.
Bagamat halatang pareho ang kuha, mas exaggerated ang dami ng bulaklak at disenyo ng ng sahig sa photo ng uploader.
Komento ng isang netizen na nag-post ng raw at edited photo: “I am posting this because this is an example of why we must verify data and photos first before we make a commentary.”
Aniya, nakapunta na siya sa simbahan at alam niyang hindi ganoon ang itsura ng simbahan base sa itsura ng edited photo.