Hindi priority ng Kapamilya actress na si Andrea Brillantes ang pagkakaroon ng bagong pag-ibig ngayong 2024.
Ayon sa aktres, mas gugustuhin niya munang i-enjoy ang kanyang pagiging single matapos ang mga dagok na pinagdaanan niya sa pag-ibig noong nakaraang taon.
Read: Ricci Rivero mum on ex-girlfriend Andrea Brillantes's involvement in KathNiel breakup
Ito ang rebelasyon ni Andrea sa eksklusibong panayam niya sa ABS-CBN nitong Biyernes, January 19, 2024.
Tanong sa kanya ng Kapamilya entertainment reporter na si MJ Felipe, "Is finding new love part of your goal in 2024?"
Sagot ng Senior High lead star, "New love romantically? Hmm... not really, hindi po talaga yun yung nasa focus ko."
Gayunpaman, hindi naman daw ibig sabihin nito na tuluyan nang isasara ni Andrea ang kanyang puso sa paghahanap ng iibigin at magiging karelasyon niya.
Aniya, "Never ko pong isasara yung heart ko and yung doors ko for love.
"I mean, I'm only turning 21 this year, but really wala talaga siya sa focus ko.
"Wala siya sa vision board ko."
HOW ANDREA HANDLES ISSUE LINKING HER TO KATHNIEL BREAKUP?
Hindi kaila na isa si Andrea sa pinaka kontrobersiyal na personalidad noong 2023.
Ito'y matapos niyang madawit sa hiwalayan ng dating magkasintahang Daniel Padilla at Kathryn Bernardo.
Read: End of KathNiel Era: A timeline of their generation's hottest box-office love team
Si Andrea ang itinuturong third party sa breakup ng KathNiel, na personal umanong nakipagkita kay Kathryn upang ibunyag ang kanilang naging ugnayan ni Daniel.
Dahil dito, kaliwa't kanang pambabatikos ang inabot ni Andrea mula sa mga tagahanga nina Kathryn at Daniel.
Hindi direktanong tinanong ang aktres tungkol sa isyu.
Ang tanging ibinahagi ni Andrea ay hindi naging madali sa kanyang harapin ang mga pagsubok na dinaanan niya. Ngunit sa tulong daw ng Diyos ay unti-unti siyang nakakabangon.
Read: Andrea Brillantes on her wishes in 2024: “Basta growth lang, healing.”
Aniya, "To be honest po, talagang puro lang po ako nagchu-church.
"I was just strengthening my relationship with God and naniniwala lang po ako sa kanya and yun lang po.
"When you seek God, you find peace. I found naman, I wasn’t really at peace, I had peace through Him."
Read: PEP OUTTAKES: Why we're all affected by KathNiel breakup
Bukod sa kanyang matibay na pananampalataya sa Diyos, naging sandalan din daw ni Andrea ang kanyang pamilya at mga kaibigan.
Saad niya, "My family, solid naman po kami and my friends. Patuloy lang po, doing good lang and trabaho lang nang trabaho.
"It wasn't easy, but it wasn't really hard kasi buo naman po kasi yung faith ko.
"So, hindi ko siya sasabihing mahirap, hindi ko rin naman sasabihing madali siya.
"May moments [na mahirap] pero at the end of the day babalik pa rin ako sa [tanong na] 'Why I am here?' babalik ako sa family ko, babalik ako sa mga pangarap ko in life, at babalik ako sa kanya [sa Diyos]."
RELATED STORIES:
- Vietnamese girl linked to Daniel Padilla issues statement
- Patrick Sugui denies involvement of wife Aeriel Garcia in KathNiel breakup
- Rica Peralejo reacts to Kathryn Bernardo unfollowing ex-boyfriend Daniel Padilla on IG
- Really? Kathryn Bernardo unfollows Liza Soberano, Julia Barretto, Gillian Vicencio on Instagram
- Kathryn Bernardo unfollows ex-boyfriend Daniel Padilla on Instagram
- Kathryn Bernardo's sister sparks intrigue for "We know what you did last summer" cryptic post