Nagkaroon ng hiwalay na selebrasyon ang magkapatid na Claudine Barretto at Jay-Jay Barretto para sa ika-87 kaarawan ng kanilang inang si Estrella “Mommy Inday” Barretto.
Ang aktuwal na kaarawan ni Mommy Inday ay noong January 12, 2024.
Sa kanyang Instagram kagabi, January 16, 2024, nagbahagi si Jay-Jay ng ilang larawan kasama ang kapatid na si Claudine at inang si Mommy Inday.
Saad niya sa caption, “I love you both so much [hearts, praising hands emojis]"
View this post on Instagram
Tanong ng manunulat na ito sa comments section, “Asan po si Gretchen?”
Kapansin-pansin kasing matagal nang hindi nakakasama nina Jay-Jay at Claudine ang kapatid.
Sagot nito, “Busy [smiling face emoji]”
Nauna nang ipinagdiwang ng isa pa nilang kapatid na si Marjorie Barretto ang kaarawan ng kanilang ina noong January 14, 2024.
Mensahe ni Marjorie sa caption ng ibinahagi niyang mga larawan sa Instagram, “My Mom celebrated her 87th birthday last Friday. Yes, 87! If you zoom in on her photo you wouldn’t believe how young and beautiful she looks at her age. All natural beauty! Happy Birthday, Mom. We love you”
Read: Marjorie Barretto posts photos from mom Inday Barretto's 87th birthday celebration
Bukod kina Jay-jay, Gretchen, Marjorie, at Claudine, ang iba pang anak ni Inday sa yuma nitong asawa na si Miguel Barretto ay sina Mito, Mitch, at Gia.
Matagal-tagal na ring walang picture na magkasama sina Gretchen at Mommy Inday.
GRETCHEN'S RARE PUBLIC APPEARANCE
Matagal na ring hindi nasisilayan ng publiko si Gretchen.
Noong December 21, 2023, ibinahagi ng beauty doctor na si Dr. Aivee Teo ng The Aivee Clinic sa Instagram ang panayam nito kay Gretchen habang nagpa-pamper ang aktres sa kanyang clinic.
Sa unang short video ay makikita silang dalawa ni Gretchen na naglalakad sa pasilyo ng klinika ng doktora.
Sa isang bahagi ay sinabihan ni Dr. Aivee ang aktres, “Everyone's missing you.”
Maiksing tugon ni Gretchen, “I know!”
Dagdag pa ni Dr. Aivee, “They're all asking about you. You have to say hello to everyone who misses you.”
Sambit ni Gretchen, “Hello to all my bashers. I miss you, too.
“And if I were you, I'd miss me too.”
Sa isang video, nasa isang room sila habang sumasailalim si Gretchen sa procedure na kung tawagin ay Aivee Thermage.
Ayon sa caption ni Dr. Avee, ang Aivee Thermage ay isang treatment na gumagamit ng "RF energy to heat the deep layers of the skin to stimulate collagen and elastin production resulting in a tighter, firmer, and smoother skin.”
Habang nagkukuwentuhan, nabanggit muli ng doktora kung paano na-miss ng marami si Gretchen.
At ramdam naman daw ito ni Gretchen.
Aniya, “I feel the love.”
Dagdag pa ni Gretchen, madalas siyang mag-ehersisyo kaya maayos ang takbo ng kanyang heartbeat sa edad na 53.
Tanong ni Dr. Aivee, “Is life better without social media?”
“I believe so,” tugon ni Gretchen.
Tanong muli ni Dr. Aivee, “What's your words of wisdom?”
Dito na nagbigay ng kanyang totoong nararamdaman si Gretchen.
Ramdam daw niya ang sinseridad ng mga taong nakapalibot sa kanya.
Nagagawa na raw niyang magbihis para sa sarili at hindi para sa paningin ng iba.
Saad ni Gretchen, “I have freedom to do what I want to do with all sincerity.
“I don't do things out of wanting to show people.
“I feel people more because I also feel their sincerity.
“When you give me something, it's because you know it's what I want.
“It's not the value that you're giving me.
"Because, you know, ‘Oh, she's gonna post it and everyone's gonna see it.’
“And even when I dress now, I dress for myself and not for the public. It's more real.
“And I didn't know that then, now I know it.
“I have the freedom to be safe to go wherever I want, and people don't need to know where I am, what I'm doing.
“People can just guess.”
Read: Gretchen Barretto talks about life without social media; misses her bashers