Dismayado ang TV host-reporter na si Gretchen Ho sa paghu-host ng Filipino-American comedian-actor na si Jo Koy sa Golden Globes 2024.
Lunes ng umaga nitong January 8, 2024 (Philippine time) ginanap sa Beverly Hills, California, ang 81st Golden Globes, ang annual award-giving body para sa Hollywood at international films at TV series.
Inulan ng samu't saring batikos ang paghu-host ni Jo Koy sa award-giving body dahil sa ilang jokes niya sa kanyang monologue na hindi nagustuhan ng karamihan ng mga celebrity at mga manonood.
Kabilang na rito ang pagbibitaw niya ng biro tungkol sa 2023 highest-grossing film na Barbie at sa award-winning singer-songwriter na si Taylor Swift.
Read: Netizens slam Jo Koy's hosting of Golden Globes 2024
Kahit mabilis na dinepensahan ni Jo Koy ang sarili nang sabihin nitong kulang ang kanyang paghahanda para sa perfect spiels, marami pa rin sa netizens ang umalma, kabilang na rito si Gretchen.
Sa X (dating Twitter), ni-repost ng TV5 Frontline sa Umaga anchor ang tweet ng isang netizen ukol sa video ni Jo Koy nang sabihin nitong, "I got the gig 10 days ago! You want a perfect monologue? Yo, shut up.
"You’re kidding me, right? Slow down. I wrote some of these, and they’re the ones you’re laughing at. Some I wrote, some other people wrote."
Naniniwala naman si Gretchen na ang magaling na host ay dapat responsable sa kanyang script.
Impromptu man o hindi, dapat daw ay isaalang-alang ang mga bibitawang salitang hindi makakapanakit at makaka-offend ng iba.
Tila dismaydao at nanghinayang din si Gretchen sa naging performance ni Jo Koy, lalo na't malaking oportunidad ito bilang siya ang kauna-unahang Filipino-American na nag-host sa Golden Globes..
Saad ni Gretchen, "Hosts are always, always responsible for their scripts.
"Whether it’s your own or not, at the end of the day, it’s your face and career on the line.
"This was such a huge stage, and a wasted opportunity."
Kumpara sa Filipino audience, mas bukas ang American audience sa brand of humor ng stand-up comedians kung saan ginagawa nilang katatawanan ang personal na issue ng isang personalidad, malapit man o hindi sa kanila.
Sa ganitong klase ng pagpapatawa nakilala si Jo Koy, na pumupuno ng mga venue dahil sa kanyang shows.
Noong December 22, 2023, inanunsiyo ni Jo Koy sa publiko na siya ang napiling mag-host sa Golden Globes 2024.
Proud si Jo Koy dito dahil ito raw ang kauna-unahang major award show hosting gig niya.
Bukod pa rito ang hangarin niyang maipakita ang kanyang galing bilang isang Pinoy.
"I’ve stepped onto a lot of stages around the world in my career, but this one is going to be extra special. I’m so excited to be hosting the Golden Globes this year.
"This is that moment where I get to make my Filipino family proud," sabi niya sa isang pahayag.
Read: Fil-Am Jo Koy tapped to host Golden Globes 2024
Ayon naman sa producers ng Golden Globes, napili nila si Jo Koy dahil sa kanyang “infectious energy and relatable humor.”
Pahayag ni Golden Globes President Helen Hoehne, “We are thrilled to have Jo host the 81st Annual Golden Globe Awards and bring his infectious energy and relatable humor to kick off Hollywood’s award season.
"We know Jo is bringing his A-game."
Read: Nanay ni Jo Koy, kinuwestiyon noon ang propesyon ng anak: “I didn’t trust the job.”