After eight years, muling mapapanood bilang bahagi ng Metro Manila Film Festival (MMFF) si Janella Salvador.
Taong 2015 inilabas ang kanyang debut film na Haunted Mansion, na entry rin sa MMFF ng Regal Films.
Dahil sa kanyang pagganap, ginawaran si Janella ng New Movie Actress of the Year award ng Philippine Movie Press Club (PMPC) nung 2016.
At mula noon, sunud-sunod ang projects niya na may kinalaman sa horror o di kaya ay suspense thriller.
Pero pinag-isipang husto ni Janella kung tatanggapin ang pelikulang Mallari, isang suspense-horror film na kasali sa MMFF ngayong Disyembre.
"Before I accepted this film, sabi ko sa sarili ko, parang gusto ko muna magpahinga sa horror," kuwento ni Janella sa press conference na ginanap kamakailan sa Mall of Asia sa Pasay City.
Pagpapatuloy ng aktres, "Kasi medyo nata-typecast na rin ako sa horror. My first film was Haunted Mansion, it was horror, Bloody Crayons, it was also a slasher movie, Killer Bride.
"Parang naging tuluy-tuloy yung horror, hindi siya nawala. So I said, gusto ko muna magpahinga."
Read: How Warner Bros. discovers Piolo Pascual's Mallari
Pero upon closer look ay naintriga si Janella sa istorya ng Mallari.
Hango ang pelikula sa tunay na buhay ni Juan Severino Mallari, isang pari noong panahon ng Kastila dito sa Pilipinas at siya ang first documented serial killer ng bansa.
Gagampanan ni Piolo Pascual ang karakter ng killer priest.
Kuwento ni Janella, "But as soon as I read the script, sabi ko, this is something na hindi ko puwedeng palampasin.
"It's very well-written, it's very detailed. Hindi mo siya maiintindihan fully if you just read it.
"But it's so detailed and beautifully written, even up to the smallest characters, our characters, everything is well-written."
LOOKING FORWARD TO 2024
Umaasa si Janella na magiging maganda ang takbo ng kanyang career sa susunod na taon.
Sana raw ay matuloy na ang plano niyang concert na ilang beses na rin naurong sa maraming dahilan.
Hoping din si Janella na by next year ay masimulan na ang movie projects na nakalinya niyang gawin.
"I really want to do more films and explore the world of cinema," ngiti ni Janella.
Samantala, tikom ang bibig ni Janella sa current state ng kanyang love life nang pasimple itong tanungin ng reporter-talent manager na si Ogie Diaz, isa sa tumayong hosts sa fancon, na ginanap sa activity center ng mall matapos ang press conference for Mallari.
Hindi sinagot ni Janella ang tanong ni Ogie kung may love life ito, at sa halip ay nagbiro ang aktres na kunwari ay nag-walkout.
September last year nang sabihin ni Janella na single mom siya, meaning na wala na sila ng aktor na si Markus Paterson.
"We're both happy as individuals and our main priority is Jude," sagot ni Janella sa PEP.ph (Philippine Entertainment Portal) sa isang panayam nung August 8, 2022.
Read: Janella Salvador hints at breakup with Marcus Paterson
May co-parenting set-up ng dating magkasintahan para maayos nilang mapalaki ang anak nilang si Jude, na nag-celebrate ng third birthday nito lang October.
Read: Janella Salvador, Markus Paterson together for Jude's 3rd birthday