Sasabak na rin sa pag-aartista si Rikki Mae Davao, ang anak nina Jackie Lou Blanco at Ricky Davao.
Bilang bahagi ng isang showbiz family, inamin ni Rikki Mae sa PEP.ph (Philippine Entertainment Portal) na nakakaramdam siya ng pressure sa kanyang pagpasok sa showbiz.
Aniya, “Definitely, pressure, of course hindi mawawala iyan.
"There’s pressure, but also yes, definitely an advantage because iyon, my mom always says that we should be grateful for the opportunities na ganito kasi they help us open the door."
Read: Jackie Lou Blanco recounts the moment daughter Rikki Mae told her, "Mama, I’m gay."
Bukod nga sa mga magulang niya na parehong artista at direktor ay lola rin niya ang Asia’s Queen of Songs na si Pilita Corrales, at lolo niya ang dating aktor na si Charlie Davao.
Tiyahin naman niya ang dating aktres na si Mymy Davao, at mga tiyuhin nya ang dating child actor na si Charlon Davao at Ramon Christopher.
Pinsan niya si Janine Gutierrez.
Nakangiting pahayag ng thirty-year-old showbiz newbie, “Pero siyempre nasa akin pa rin yung responsibility na, you know, to keep the door open and to build my own connections, my own future."
Kamakailan ay napanood si Rikki Mae sa Family Feud with her mom Jackie Lou, sister Arabella Davao, at pinsan na si Diego Gutierrez.
Si Arabella ay talent ng Star Magic, habang si Diego ay anak nina Lotlot de Leon at Ramon Christopher at kapatid ni Janine Gutierrez.
Read: Diego Gutierrez hopes to work with grandma Pilita Corrales, "top leading ladies"
Sa acting at hosting sasabak si Rikki Mae.
“Iyon yung talagang gusto kong subukan, so siyempre, medyo may pressure iyon kasi alam mo na, yung mga nakapaligid, yung mga family.
"Pero okay lang, at least I have people to ask advice from.”
RIKKI MAE'S SHOWBIZ JOURNEY
Matagal nang inaalok si Rikki Mae na sumali sa showbiz.
Aniya, “Actually, growing up po, siyempre may mga offers din, nung nasa high school and even grade school, pero sa school kasi namin, bawal.
“And I think yung parents ko, they really wanted us to finish school first and ako din naman."
Na-delay din ang kanyang pag-aartista dahil sumabak muna siya sa corporate world.
“I also wanted to try to build my own name in a different industry, kaya nasa corporate industry din kasi yung experience ko.
“And I was actually a preschool teacher first, nung pandemic, and before that, [teaching] kids ages one to six.
"And nag-HR [Human Resource] din ako, I worked for a BPO corporate communications, so iyon.
“Parang ako lang yata sa family ko yung pumasok sa office,” at natawa si Rikki Mae.
“Kaya kapag nagkukuwento ako, hindi sila maka-relate.
“Kasi yung ano nila, taping, call time, mga ganun, iba talaga.”
Ang nagdaang pandemya ang nag-udyok kay Rikki Mae na subukang pasukin ang showbiz.
Paglalahad niya, “Actually I’ve been really trying po to enter showbiz since the pandemic.
"Kasi parang na-realize ko na, you know, di ba, nung pandemic madami tayong mga napapag-isipan?
“And I think, at the back of my mind, I was always curious or interested pero natatakot lang ako mag-try.
“So nung pandemic sabi ko, ‘Wala na, ito na ito, e.’
“So why not just, you know try to put myself out there?"
Dagdag pa niya, “Even if takot ka or may insecurity, you know, isa lang yung buhay natin. So might as well gawin natin yung gusto nating subukan.”
Nang buo na ang loob niya ay may mga paghahandang ginawa si Rikki Mae.
Pagtuloy niya, “So nagwu-workshop na ako, I’ve been auditioning for mga commercials, and then I saw Tita Shyr’s post, so minessage ko siya, kinuwento ko lang.”
Ang tinutukoy ni Rikki Mae ay ang character actress na si Shyr Valdez, na alaga ni Rams David ng Artist Circle talent management.
Si Shyr ang nagbigay-daan na makilala ni Rikki Mae si Rams.
Pagpapatuloy ni Rikki Mae, “Tapos sabi niya, ‘Oh, I’ll introduce you,’ to Sir Rams, and then iyon, ganun yung naging introduction ko sa Artist Circle.”
Nakapanayam ng PEP.ph si Rikki Mae sa isang Zoom interview na ginanap noong November 17, 2023, sa opisina ng Artist Circle, kung saan kakapirma lamang niya ng kontrata bilang talent.