Nagdesisyon si Heart Evangelista na tanggalin ang ipinost niyang larawang kita ang kanyang side boob matapos itong pag-usapan at pag-awayan ng netizens.
Read: Heart Evangelista replies to “gone wild” comment for showing side boob
Paliwanag ng Kapuso actress at social media influencer, hindi niya akalaing gagawa ng ingay ang ipinost niyang larawan.
Kitang-kita ang side boob ng aktres sa photo na ipinost niya nitong Lunes, November 6, 2023.
Nakatanggap ito ng mixed reactions mula sa netizens.
Dibdiban ang sagutan ng netizens. Inakusahang ng kanyang mga kritiko si Heart na naging “wild” umano ito dahil sa mapangahas niyang photo.
Nabiktima pa siya ng body-shaming at panlalait. Pangungutya ng ibang bashers, fake umano ang kanyang boobs.
Ipinagtanggol si Heart ng kanyang supporters mula sa panlalait ng mga kritiko at bashers.
“I didn’t know my side boob would cause fighting ! lol,” published as is post ni Heart sa pamamagitan ng isang Instagram Story nitong November 7, 2023.
“I am flattered but para wala nang away archived na muna mga siissssy [black heart emoji]”
Bakas sa post na ito ni Heart na hindi niya dinibdib ang panlalait sa kanyang dibdib.
Archived ang isang previous Instagram post kapag hindi na ito ma-view ng followers, pero hindi pa ito binubura ng owner.
Nang i-post ni Heart ang kanyang kontrobersiyal na photo, isang netizen ang kumutya sa kanya.
Mapanghusgang comment ng isang netizen: “Lols, she gone wild!!”
Sinagot ni Heart ang komentong ito na tila hinusgahan siya.
Reply ng aktres: “at some point we gotta let our hair down [fire emoji]”
Tila nais ipunto ni Heart na gusto niyang maging kumportable sa kanyang sarili.