Ikinasal ang magkarelasyong sina Abby Viduya at Parañaque 1st District Councilor Jomari Yllana kahapon, November 5, 2023 (U.S. time).
Ayon sa post ng manager ng dalawa, ang veteran entertainment writer Nestor Cuartero, ginanap ang kasal nina Abby at Jomari sa A Little White Chapel sa Las Vegas, Nevada.
Ilang malalapit na kaibigan lamang ang imbitado sa kasal, pati na ang anak ni Jomari sa unang asawa nitong si Aiko Melendez na si Andre Yllana.
Sa 2024 o early 2025 nakatakda ang kasal nina Jomari at Abby rito sa Pilipinas.
Pahayag noon ni Abby tungkol sa kanilang planong Las Vegas wedding, "A few of our family members will be joining us there, like my daughter. My eldest daughter will be joining us in Vegas and some of Jom's relatives.
"By next year or early 2025, we will have our church wedding in Naga City, where his parents got married, in Peñafrancia Church."
Noong August 20, 2023, masayang ibinalita ni Abby na nag-propose sa kanya si Jomari sa The Peak sa Hong Kong.
Read: Why did Jomari Yllana propose to Abby Viduya in Hong Kong even after wedding plans, pamamanhikan?
Bago iyon, noong February 26, 2023, namanhikan si Jomari sa bahay nina Abby sa Parañaque.
Read: Jomari Yllana asks for Abby Viduya's hand in marriage through pamamanhikan
Ilang beses na ring naikuwento pareho nina Abby at Jomari ang kanilang love story—kung paano naudlot ito at pareho silang nagkaroon ng iba’t ibang karelasyon hanggang sa magkatagpong muli.
Kaya masaya raw sila na mapatunayang "wagas" ang kanilang pagmamahal sa isa’t isa.
Ani Abby, "Ano naman, the feeling that we know that it’s forever. It’s the best.
"Like, alam mo yong feeling na you’re home? You’re with the one that you’re meant to be with? Ganon, e."
Read: Abby Viduya, Jomari Yllana set November wedding date
Si Jomari ay annulled na ang kasal kay Aiko.
Hiwalay na rin si Jomari sa dating ka-live in na si Joy Reyes, kung saan mayroon siyang dalawang anak na lalaki.
Si Abby, na nakilala rin sa showbiz noon bilang si Priscilla Almeda, ay hiwalay na rin sa non-showbiz guy na karelasyon nito noon pang September 2018. Mayroon silang dalawang anak na babae.
Read: Jomari Yllana says relationship with Priscilla Almeda will be his last