Second time nang nakatrabaho ni Kakai Bautista si Vilma Santos, pero hindi pa rin niya mapigilan ang mag-fangirling.
Naging bahagi si Kakai sa pelikulang In My Life (2009), na pinagbidahan nina Vilma, Luis Manzano, at John Lloyd Cruz.
Ayon kay Kakai, “Ayun yung pinakanakakatakot. Pero alam niyo, pag nakatrabaho niyo si Ate Vi, kahit hindi siya visible sa television or film or sa showbusiness, nagulat ako.
“Kasi kilala niya ako by first name, Kakai. Ako yung parang nahiya. Ako yung parang, 'HALAAA!!! Hindi ako makatulog!'"
Sa dami kasi ng taong nakakasalamuha ng artista, bibihira ang artista na magaling sa names.
Ang mas nakakabilib pa, ni hindi matagal ang naging first encounter nila ng award-winning actress sa set ng pelikula.
“Isang eksena lang ako sa In My Life, pero hindi ako nakatulog. Maliit naman yung role ko dun, mabilis lang, yun talaga, isa sa mga pinag-pray ko: na makatrabaho ko siya uli."
Read: Vilma Santos wary about giving acting tips: "Baka sabihin nagdudunung-dunungan"
Nung nag-shoot sila ng upcoming movie ni Vilma with Christopher de Leon sa Japan, nagkalasingan ba sila ng Star For All Seasons? Nag-bonding over wine?
Sambit ni Kakai, “Oh my god! Nakakatuwa kasi you have to see the bloopers sa movie na ito... lalo na po sa Tokyo. Sobrang grabe po yung mga bloopers namin dun.
"Maaaliw talaga kayo. Hindi ko ine-expect na ganun kami magiging ganun kasaya sa shoot. And siyempre, ikaw, mahihiya ka kasi, Ate Vi!
"Pero siya mismo, hindi niya ipapa-feel sa iyo na you’re different and you’re other.
“Hindi ka others. Part ka. ‘Kilala kita!’ At alam mo yun, para matawag ka niya by your first name. Parang huhuhuhuhu, gusto kong umiyak!!!
"Gusto kong umiyak kasi yung iba nga, hindi ka kilala, di ba? Yung iba, parang, ‘Ah, OK.’ Parang ganun. Pero Vilma Santos… oh, my god!”
So, okay na kay Kakai na hindi siya kilalanin ng iba dahil kilala naman siya ni Vilma Santos?
Tugon ng komedyante, “Hindi okay sa akin yun, e. Ako kasi, parang pag nakakatrabaho ko yung mga senior actors natin, at saka yung talagang premyado, for them to recognize you and know your name and just say hello to you, even sina Ate Guy [Nora Aunor], sina Ms. Maricel [Soriano], oh my god.
"Kausapin ka lang, ay achievement! Oh my god! Tingnan ka nga lang."
Read: Maricel Soriano unbothered by newbies who ignore veterans: "Hindi ko naman kayo kilala."
Nung dati, nakasalubong ko si Tita Gloria Romero, diyos ko, gusto kong maglulupasay, kasi, nag-hi siya sa akin.
"Ganun mo pinapahalagahan yung trabaho mo. Ganun mo papahalagahan yung mga artistang nag-hone ng industry na ito.
"Di ba, sila yung nag-build. Sila yung mga building blocks ng industriyang ito.
"We will not be here, lahat tayo, kung wala silang ginawang magagaling na pelikula, di ba, and kung hindi nila ginalingan.”
For the record, natandaan ba siya ni Ate Guy, the National Artist Nora Aunor?
Tumango si Kakai, “Ay, naku! Umiyak ako! Parang Ate Vi, umiyak ako.”
Nakausap si Kakai ng PEP.ph (Philippine Entertainment Portal) sa mediacon ng Metro Manila Film Festival 2023 official entry na When I Met You In Tokyo noong Oktubre 26, Huwebes, sa Seda Vertis North, Quezon City