Si Andrea Rubio ng Venezuela ang kinoronahang Miss International 2023 sa grand coronation ng pageant na ginanap ngayong Huwebes ng gabi, October 26, 2023, sa Yoyogi National Gymnasium sa Shibuya, Tokyo, Japan.
Si Nicole Borromeo ng Pilipinas ay itinanghal namang 3rd runner-up.
1st runner-up si Miss Colombia Sofía Osío Luna; 2nd runner-up si Miss Peru Camila Diaz Daneri, at 4th runner-up si Miss Bolivia Vanessa Hayes Schutt.
Kasama ni Nicole na nakapasok sa Top 15 ang mga kandidata mula sa bansang Thailand, Panama, Mexico, Peru, Greece, Cote D’voire, Namibia, Dominican Republic, Vietnam, Puerto Rico, Colombia, Hong Kong, Venezuela, at Malaysia.
Pasok din ang kandidata ng Pilipinas sa Final 7, kasama sina Miss Colombia, Miss Venezuela, Miss Mexico, Miss Thailand, Miss Bolivia, at Miss Peru.
Bago ianunsiyo ang winners, ginawaran muna ang ilang kandidata ng special awards.
Wagi sa Best in National Costume ang kandidata mula Angola. Best in Evening Gown naman si Miss Indonesia.
Hinirang na Miss Fitness si Miss Zimbabwe at Miss Photogenic si Miss New Zealand.
Read: The details of Nicole Borromeo's evening gown and national costume at Miss International 2023