Labis na nagdadalamhati ang mixed martial arts fighter na si Mickey Ablan sa pagpanaw ng kanyang panganay na anak na si Yzabel Ablan.
Pumanaw si Yzabel dahil sa “heart failure and lung infection” noong October 7, 2023. Siya ay 20.
Malungkot na saad ni Mickey sa PEP.ph (Philippine Entertainment Portal) ngayong Lunes, October 9, “Para akong bipolar. Every 14 minutes ako ata umiiyak. Sobrang hirap i-absorb ito.”
Read: Janna Dominguez, Mickey Ablan daughter passes away
Sa pamamagitan ng Facebook, ibinahagi ni Mickey ang labis na kalungkutang nararamdaman sa pagpanaw ng anak noong October 7.
Mensahe niya, “I Love you my Baby Yzabel Ablan [heart emoji]
“I Love you more than anything in this world my Angel [angel emoji]
“Nag promise ka hinde mo ako iiwan Ate [broken heart emoji]
“Heaven Gained another Angel [praying hands emoji]
“I'm so Lost and Confused!
“Ikaw dapat mag lilibing sakin bakit biglang ako na maglilibing sayo..”
Naka-tag sa post ni Mickey ang partner niyang si Janna Dominguez.
Sabi ni Mickey sa kasunod niyang post, "Sinking in .... I Love you my 20 Year old Baby Girl soon much Yzabel Ablan my Heart is so Broken...."
Ayon sa isa pang post ni Mickey, kung kasama siya ng anak sa condo nito ay baka iba ang kinalabasan ng kuwento.
Aniya, "You had so many Plans and Dreams Ate Yzabel Ablan..
"If only I was with you at your Condo maybe the Outcome would have been different
"I Love you so much.."
Sabi pa ni Mickey sa isa niyang post, araw-araw siyang nagpapadala ng mensahe sa anak upang kamustahin ang araw nito at ang pagtulog nito.
Saad niya, "Every Day Morning and Night me and Yzabel Ablan would message to ask about her sleep her day at school etc.
"This message was just yesterday Morning an Hour before she was rushed by her Yaya to the Hospital she was all happy and jolly and making plans to visit her new born brother at Clark.
"Parang Bangungot lahat toh nangyari bakit ganon..
"Wala pang 24 Hours since i last saw her and sobrang okay si Yza but now wala na iniwan na nya ako"
Si Yzabel ay anak ni Mickey sa dati niyang nakarelasyon, pero itinuturing na itong tunay na anak ni Janna.
Read: Janna Dominguez reveals cause of death of 20-year-old daughter Yzabel Ablan
Samantala, sinabi ni Mickey na nakadalaw na sa lamay ng anak sa Pampanga ang dating partner niyang si Iwa Moto, kasama ang karelasyon nito ngayong si Pampi Lacson, kagabi, October 8.