Nagbigay ng saloobin ng aktres na si Andrea del Rosario tungkol sa bagong sexy stars na karamihan ay napapanood sa Vivamax movies.
Si Andrea ay original member ng sikat na all-female group na Viva Hot Babes noong early 2000s.
Kasama ni Andrea sa first batch sina Maui Taylor, Katya Santos, Jen Rosendahl, Gwen Garci, Sheree, Myles Hernandez, Kristine Jaca, at Hazel Cabrera.
Bukod sa paglabas sa mga pelikula ay nagkaroon din sila ng album, kung saan kabilang sa mga sumikat nilang kanta ay ang "Bulaklak" at "Kikay."
Bilang dating sexy star ng Viva, ano ang reaksiyon ni Andrea sa pagiging daring ngayon ng sexy stars ng Vivamax?
Natatawang saad ng 43-year-old actress, "Nahiya pa ako sa mga ginawa ko noon.
"Sabi ko, 'Ay, pa-tweetums pa pala ako noon.' Ha ha ha!
"Siyempre, iba na ang time ngayon. Kanit anong bagay sa mundo, everything naman evolves, di ba?
"Sa akin naman kasi, no judgment, I went through the same thing.
"Ayun, as long as you go into something, you just have to be decided and excited.
"Alam mo yung repercussions sa kung ano ang puwedeng mangyari. So, dapat prepared ka dun.
"You decided for it, you go for it. So, alam mo ang pros and cons nun, and you have to be strong. Di ka dapat magsisi."
Read: Vivamax, behaved na pagkatapos ng kasunduan sa MTRCB?
NEW BREED OF SEXY STARS
Ayon sa obserbasyon ng karamihan, kumpara sa klase ng pagpapa-sexy noong kapanahunan nina Andrea, mas palaban ang new breed ng sexy stars ngayon.
Napangiting pagsang-ayon ni Andrea, "Korek, korek. Parang ano na, e, parang wala nang filter ba.
"So, yeah, they just have to be careful na lang, di ba, and their parents just have to give them guidance. Mas matindi [ang kailangang] guidance ngayon kasi iba na ang panahon.
"It's all what I can say, e. I cannot judge them.
"I went through the same path, and they just have to really be vigilant na hindi sila maabuso. That's all."
Malay nga raw niya na baka dumating ang panahon at pagkakataong mag-evolve din ang mga ito bilang magagaling na artista at iwanan na rin ang pagpapa-sexy.
Aniya, "Yes. Anyway, they are in good hands naman with Viva.
"So, hopefully, mabigyan din sila ng chance katulad ko na magagandang movies na medyo serious. Ng chance na mag-evolve as a serious actress, at ipagpatuloy ang kanilang career on a different level na rin."
Read: Vivamax stars na bida sa 'Secret Campus,' puring-puri ni Direk Joey Reyes
Dugtong pa ni Andrea, "I'm happy I'm sitll with Viva. I never run out of jobs.
"So, sa ang daming imbentaryo ng mga artista, talagang nabibigyan pa rin nila ako ng opportunity non-stop. And I'm very, very grateful because of that.
"Kasi, katulad nga ng sinabi mo, from being sexy, naging ganito, nag-ABS [CBN] ako, nagpa-sexy then back sa serious acting... nag-character [roles] pa ako.
"So, nagkaroon talaga ako ng opportunity to evolve."
Eksklusibong nakapanayam ng PEP.ph (Philippine Entertainment Portal) si Andrea sa opening ng pinakabagong branch ng Asia's Lashes, na pag-aari ni Anna Geda, sa SM Cherry, Shaw Boulevard, Mandaluyong City, noong Sabado, October 7, 2023.
Bilang brand ambassador, inimbitahan si Andrea ng CEO at founder ng Asia's Lashes na si Leah Urbani upang dumalo sa opening at ribbon-cutting ng nasabing branch.
WILL ANDREA RETURN TO POLITICS?
Dahil malapit na ang susunod na Barangay Elections, naitanong ng PEP.ph kay Andrea kung wala ba siyang bumalik sa pulitika.
Si Andrea ay nagsilbi bilang vice-mayor ng Calatagan, Batangas mula 2016 hanggang 2019.
Read: Andrea del Rosario posts landslide victory as Calatagan, Batangas vice mayor
Ayon sa aktres. "Katulad nga ng mga sinabi ko, there's always a reason why I got into it.
"I guess, it's the will of God. Maybe someday, I'll get there again.
"Pero kung tatanungin mo ako right this very moment, ayoko muna.
"Kasi nga, marami akong nawalang milestones sa buhay ko na ayaw ko sanang mangyari. Ganun lang naman yun.
"Kasi sa politics, you prioritize people. Second lang ang family, and other things.
"So, ngayon, iba ang priorities ko."
Ang laki nga raw ng impact sa kanya ang samu't saring pinagdaanan niyang life roles, pero hindi dito nagtatapos ang lahat.
Saad ng Viva artist, "I'm not done yet. So far, I'm very happy.
"I'm just blessed. All of these naman come from Him, di ba? So, walang aksidente.
"I guess, I'm there, I went through it for a reason.
"And I think God has a lot of plans for me. It's not over yet."
Katulad nga raw ng pagiging business partner niya dito sa Asia"s Lashes, at pagiging ambassador, na itinuturing niyang isa sa blessings sa buhay niya.
Kuwento niya, "She just offered me to be a part of it, so that we can also do business faster, and at the same time magkaroon siya ng premium and quality. That's why she asked some of us to be partners.
"Aside from this naman, I'm handling some of our family's businesses. I'm getting into buy-build-and-sell constructions, something like that. Yun ang parang passion ko ngayon.
"At siyempre, acting pa rin, like katatapos ko pa lang ng Dirty Linen na hindi ko akalain na ang malaki ang impact ng role ko dun as Atty. Olga."