Nasawi ang isang lalaking nangangaso matapos na aksidenteng mabaril ng kanyang kaibigan.
Naganap ang insidente noong October 3, 2023 sa Brgy. Kitubod, Libungan, Cotabato.
Nakilala ang biktima na si William Rendoan Jr., 29, na naninirahan din sa nabanggit na barangay.
Sa ulat ng GMA News, nagkayayaan ang magkaibigan na umakyat sa bundok para mang-hunting.
Read: Love bite ng girlfriend, ipinagawang tattoo ng boyfriend
Naghiwalay ang dalawa pagdating sa lugar kung saan sila mangangaso.
Dahil masukal ang lugar, napagkamalan ng kaibigan na isang unggoy si William at binaril.
Hindi na naisugod pa ang biktima sa ospital dahil malayong parte ng bundok ang kanilang napuntahan.
Read: Ang katotohanan sa likod ng viral video ng "pastor" na kayang laruin at amuin ang mga lion
Sinabi naman ng kinakasama ng biktima na hindi niya pinayagan si William na mangaso, ngunit tumuloy pa rin ito.
Parehong miyembro ng tribung Arumanen Manobo ang magkaibigan. Dahil dito, ang kanilang mga tribal leaders na ang nag-ayos ng insidente.
Hindi na binanggit sa mga ulat ang pagkakakilanlan sa kaibigan ni William.
Read: 13-year-old Doodle Boy Joe Whale bags "huge deal" with Nike