Sa lahat ng naging hit songs ni Nina na tinaguriang Soul Siren ng Pilipinas, ano ang pinaka-paborito niya?
“Yan yung pinakamahirap na question talaga na gusto kong sagutin, e,” at tumawa ang female singer.
“Dahil sa mga kanta ko, parang lahat favorite ko, e. Ang hirap, di ba?
“Kasi talagang kaya mo nga kinanta kasi paborito mo, pero on top of my head my pinaka-favorite song for today is 'Jealous.'”
Nakausap si Nina ng PEP.ph (Philippine Entertainment Portal) sa mediacon para sa concert niya nitong September 26, Tuesday, sa District One sa Bonifacio Global City sa Taguig.
Read:
Dilaw of "Uhaw" fame talks about pressure of having massive hit
Jed Madela deeply touched by Cotabato school naming a section after him
Netizens burst into laughter watching Melai Cantiveros's bag raid at ABS-CBN Ball 2023
ON BEING FAMOUS
Sa mga taon niya bilang isang artist ay talagang pinahanga ni Nina ang publiko pagdating sa kanyang kahusayan bilang mang-aawit.
Ngayon ba ay mas relaxed na siya?
“Ah, like, kunwari parang kung hindi ko na masyadong pinapahirapan ang sarili ko?
"Actually, hindi naman pero yes, siguro if I need time to rest, I do it.
“Kasi kumbaga, hindi naman that I don’t need to prove anything ngayon. I still give a hundred and ten percent to any show.
"Kahit bar yan, kahit three songs lang yan, I give a hundred and ten percent to any show.
“Pero kung, like, I also give time for myself in order for me to share my music with everyone, kasi if I don’t rest, ano na lang ang ipapakita ko sa kanila?
"Ano i-she-share ko sa kanila na music? So I need to rest also,” pag-amin niya.
Ano ang advice o tips niya niya sa mga baguhan o aspiring singers para tumagal sila sa industriya tulad ni Nina?
Lahad niya, “Alagaan ang boses, alagaan ang talent, and huwag lumaki ang ulo.
“Yun ang pinaka-first and foremost, e, kasi automatic na parang feeling mo pag famous ka na, ang dami mo nang hindi papansinin.
"Feeling mo yung pagiging famous mo is revenge sa kaaway mo or whatever. So kumbaga, do the music because you wanna do the music.
"Don’t do it because you wanna get back at a person, don’t do it dahil gusto mo lang magyabang.
"Gawin mo yung music or yung talent mo dahil gusto mong i-share, dahil gusto mo lang na sumikat bilang singer or musician.
“Yun lang siguro. Huwag lalaki ang ulo.”
WISH LIST
Sino ang nais ni Nina na maka-collab sa mga young singers natin ngayon?
Saad niya, “Naku, ang dami! Zack Tabudlo. Puwede, di ba? Arthur Nery, yung mga yun, Ben & Ben, gusto ko din si Moira [dela Torre]
“Siyempre, lahat. Kung sino man yang mga young artists na yan, bakit hindi lahat sila, di ba? Gusto ko silang lahat makatrabaho.
"Hindi lang yung mga nabanggit ko, parang kung sino pa yung gustong maka-work ako or makatrabaho ako, makakanta ako, sure, welcome.”
Kailan ang last major solo concert ni Nina?
“In a bigger venue? Last solo concert ko pero online was two years ago, e, that was like a birthday concert also, pero sa bahay. So, wala, ang tagal na actually.”
Bakit natagalan?
“Hindi ko alam,” at tumawa si Nina. “Hindi ko talaga alam kung bakit, siguro masyadong naging busy with mga bar shows or whatever, hindi ko talaga alam ang answer to that.
“But now that we’re in a... but now I’m gonna be having a bigger concert in a bigger venue, so I’m pretty much excited.”
Established na siya sa music industry. Meron pa ba siyang gustong ma-achieve?
“Actually, I’m sure madami pa yan, kumbaga sinasabi ko lang sa buhay ko na ‘Surprise me, life!’
“Kumbaga, may mga na-achieve na ako for myself, pero I feel like I wanna do a lot more and I want it to be a surprise in my life, yung parang, ‘Uy, pwede pala yun!’
“Yung parang ganyan, so I want the world to surprise me,” pakli niya.
SELF-LOVE COMES FIRST
Ang ang meron sa pag-ibig na hindi niya alam noong araw na alam na alam na niya ngayon?
“About love? Okay, ang hindi ko alam noon is huwag kang masyadong magmamahal.
“Kasi talagang pag nagmahal ka nang todo-todo, na wala ka nang natira sa sarili mo, mate-take advantage ka e, kasi malalaman nila sa sobrang pagmamahal mo.
“So kahit ano puwede nilang kunin from you, money, your life, your time, wala ka na talagang matitira.
“So ngayon, ang natutunan ko naman ngayon, you have to love yourself first, and it’s not about being selfish, you have to love yourself first before you can love other people.
“Kasi how can you love other people if you don’t even love yourself? So mahalin mo muna yung sarili mo, alagaan mo, bago mo maalagaan at mahalin ang ibang tao,” makahulugan niyang pahayag.
In love ba si Nina ngayon?
“In love po sa buhay,” at muling tumawa si Nina, “sa everything.”
Nagkaroon ba siya ng anxiety at depression during the pandemic?
“Di ba lahat naman nagkaroon ng anxiety and depression? Pero I’d like to say na thank God na hindi po ako nagkaroon ng anxiety or depression.
“I don’t know why, hindi ko po alam kung bakit, pero siguro kasi I take each day… parang each day at a time, kumbaga hindi ako nag-worry, na ano bang mangyayari bukas? Kasi bukas pa naman yun e, so enjoy ko muna yung today.
“Kasi pag nag-worry ka kung ano mangyayari bukas or the next month or whatever, dun ka magkakaroon ng anxiety or depression.
“So sa akin lang po yun, ha?
“Like every day I just enjoy it, na buhay ako, I enjoy my time with my family, so I turn to music, I listen to music and I sing also.
“Di ba, kahit hindi naman tayo marunong kumanta… yung iba, di ba, makinig lang tayo sa music, talagang therapy na yun sa ating lahat.
“So iyon lang po yung naging buhay ko, I take each day at a time, I don’t worry for the future, kasi present nga e, it’s a present from God, so yun talaga siya,” pagpapasalamat niya.
ONLY NINA CONCERT
Magkakaroon ng concert si Nina sa November 8, 2023, sa Samsung Hall ng SM Aura Sa Taguig City na pinamagatang Only Nina.
Bakit Only Nina ang title ng concert niya?
Paliwanag ng soul singer, “Parang simple Nina, parang ganun lang, Nina lang talaga, walang apelyido, walang Nina Live, walang Nina Jealous, Nina lang talaga.
“And kumbaga, the concert is all about me and how I sing it, how I sing every song, how I do a concert, so pinaka iyon lang for the concert.
“If I will release a new single sa concert? Let’s see kung makaabot siya, pag hindi probably in another concert.
“And what’s new sa concert… actually I think after a year, two years kasi ago I had an online concert.
"So this is the first time I’ll be having a concert, after a year of being sa pandemic and all.
"And first time to work with Direk John Prats, first time to work with their group, a lot of firsts actually.”
CHOOSING JOHN PRATS
Tungkul sa kanyang concert, gaano siya ka-collaborative sa kanyang direktor lalo pa nga at pinakaunang beses niyang makakatrabaho si John?
Tugon ni Nina, “Since this is going to be the first time that we’ll be working together, talagang we talk about things that will make the concert talagang deliver a very, very good concert to everyone.
“So talagang kung may mga ideas ako na gustong batuhin kay Direk, he will consider, and kung may mga ideas din siya, I will consider, too.
“Talagang it’s a team effort, everything.”
Siya raw mismo ang pumili kay John bilang direktor ng Only Nina.
“Yeah, we chose him to be our director for our concert. As a new director, kumbaga nakita mo na bago siya pero ang dami niyang magandang nagawa sa mga artists sa music scene and everywhere.
"So we would like to collaborate with him. And siyempre gusto naming gamitin ang kanyang talento sa pagdi-direk.”
Ang musical director ng Only Nina ay si Bobby Velasco at available ang tickets sa SM Ticket outlets at online via smtickets.com at sa District One sa BGC.
Produced ito ng Vera Group Inc. at co-produced ng District One.