Maligayang ibinalita ng dating aktres na si Bunny Paras ang engagement ng kanyang anak na si Moira Greenway.
Read: Moira Greenway says she won't change a thing despite disability: "I really, really like who I am."
Ayon kay Bunny, nangyari sa Asbury Park ng Asbury, New Jersey, ang marriage proposal ni Nicholas “Nick” Asbury kay Moira, Miyerkules ng dapit-hapon, Setyembre 27, 2023, sa New Jersey, USA (Huwebes ng umaga, Setyembre 28, sa Pilipinas).
Pinili raw talaga ng kanyang future son-in-law ang nabanggit na lugar dahil kapareho ito ng apelyido niya.
“Wanna be an Asbury at Asbury Park?” tanong ni Nick kay Moira, na tinanggap agad ang kanyang alok na kasal.
Read: Bunny Paras, answered prayer ang pagkakaroon ng love life ng anak na may handicap
Sa Florida nakabase ang dalawa, pero lumipad sila sa New Jersey para sa drug trial kay Moira.
Hindi sila nawawalan ng pag-asang makahahanap ng lunas sa sakit na Friedreich Ataxia ni Moira, na anak ni Bunny sa dating karelasyon nitong si DJ Mo Twister.
Read: Bunny Paras stays strong in face of daughter Moira's clinical trial for rare illness
Naisip ni Nick na gawin sa Asbury Park ang marriage proposal niya dahil sa kanyang apelyido nang pansamantala silang lumabas ni Moira mula sa ospital na pinagdarausan ng drug trial.
Hindi lamang si Bunny ang maligayang-maligaya sa engagement ng kanyang anak dahil masayang-masaya rin si Teresa Asbury, ang ina ni Nick.
Mensahe niya, “We are so excited. Nicholas and Moira are engaged. He proposed at Asbury Park, NJ today.
“We get another daughter and we couldn’t be happier! We love you both so much! Welcome to the family!”
Kung masaya ang pamilya ni Nick, higit na maligaya si Bunny dahil natagpuan ni Moira ang taong tapat na nagmamahal sa kanya at nararamdaman nito ngayon ang kahulugan ng tunay na pagmamahal.
Kuwento ni Bunny sa Philippine Entertainment Portal (PEP.ph), “Moira was so happy and I’m happy for both of them.
"She’s 24 years old and Nick is 24 too. They met at a friend’s party and became friends.
“He has his own business. He builds barn roofs and construction work in Florida kaya dito sila based.
“Bata pa lang si Nick, he loves to fix things and build.
"Kaya when Moira need handicapped accessible things, he can build and fix something for her. Kapag nasisira ang wheelchair ni Moira, naaayos niya.”
Ipinagmamalaki ni Bunny ang kanyang magiging manugang dahil nagmamahal ito nang totoo kay Moira sa kabila ng kalagayan ng kalusugan nito.
Read: Bunny Paras so proud of daughter Moira for rising above her disability