Pinalagan ng TV host-actress na si Kaladkaren ang isang Twitter user na tumawag sa kanyang "he."
Ito'y matapos magpahaging ng trans woman personality tungkol sa Artificial Intelligence (AI)-generated.
Nangyari ito sa closing spiels ni Kaladkaren sa primetime newscast na Frontline Pilipinas ng TV5 noong September 25, 2023.
Bago niya banggitin ang kanyang pangalan ay humirit si Kaladkaren na totoong tao siya at hindi AI.
Saad niya, "Abangan po bukas ang mas maiinit na K-alaman at showbiz balita.
"Hindi po ito AI. Ako po si Kaladkaren."
Agad na nag-trending sa Twitter ang video clip na ito.
Marami sa mga netizen ang nagsabing patutsada ito ni Kaladkaren sa GMA Network na kamakailan lamang ay ipinakilala ang kauna-unahang AI-generated sportscasters sa bansa—sina Maia at Marco.
"Louder Ghurl, Ms. @jervijrvi!" caption ng isang netizen na nag-upload sa video clip ng closing spiels ni Kaladkaren.
Agad naman itong ni-repost ng kauna-unahang trans woman entertainment news anchor sa Pilipinas.
Caption niya, "OMGGG."
Read: Kaladkaren: "As a transgender woman, I thought that I will never be enough."
Isa pang tweet ng netizen ang ni-repost ni Kaladkaren.
Mababasa rito, "Ms. Kaladkaren @jervijervi shading the AI while reporting at Frontline [cryig emoji]."
Sa isa pang kuhang video, makikita si Kaladkaren na nag-ala robot moves nang tuksuhin siya ng TV5 sportscaster na si Mikee Reyes.
Saad ni Mikee, "Kurutin niyo nga si ano [Kaladkaren] Baka AI ka."
Sagot sa kanya ni Kaladkaren, "Huy, totoong tao po ako ha, mga kapatid."
Kung marami ang naka-relate sa biro ni Kaladkaren ay mayroon din namang binuweltahan siya at tinawag pang "unprofessional."
Isa na rito ang GMA fan account na @KapusoThingsPH na ni-repost ang video kalakip ang caption nitong, "He thought he did something [face vomiting and clown emoji]."
Walang kaabug-abog na sinagot ito ni Kaladkaren.
Aniya, “You think you can put me down by misgendering me? Gurl, I have fought and won battles worse than this. Mahiya ka @KapusoThingsPH."
AI-GENERATED SPORTSCASTERS MAIA AND MARCO
Noong September 23, 2023, ipinakilala ng GMA Network sa publiko ang kauna-unahang AI presenters ng bansa — sina Maia at Marco.
Layunin nilang tumulong sa courtside reporters ng NCAA Seasons 99 sa pagbibigay ng updates sa social media accounts ng GMA Integrated News, GMA Sports, at GMA Synergy.
Kasunod ng paglulunsad kina Maia at Marco, nagkaroon ng diskusyon kung paano magagamit ang AI technology sa media.
Marami ang nagpahayag ng agam-agam, partikular sa kakayahan ng AI na makipag-ugnayan sa mga manonood.
Mayroon ding nabahalang baka dahil dito ay mapalitan na ang mga totoong tao sa trabaho, lalo na ang mga mamamahayag.
Paglilinaw naman ni GMA Network Senior Vice President and Head of Integrated News, Regional TV, and Synergy Oliver Victor B. Amoroso, ipinakilala sina Maia at Marco bilang pandagdag at hindi kailanman pamalit sa human aspect ng coverage sa NCAA.
Giit pa niya, AI presenter lang sila at hindi journalist.
Saad ni Amoroso, "Maia and Marco are AI presenters, they are not journalists, they can never replace our seasoned broadcasters and colleagues who are the lifeblood of our organization.
"We are now living in the age of AI and other major news organizations worldwide are already using this as a tool to improve their operations. As the leading news organization in the Philippines, we will constantly look for ways to hone our craft, while preserving the value of our human assets and the integrity of our reporting.
"GMA Synergy, together with GMA Integrated News and GMA New Media Inc., continue to find ways in making our coverage more dynamic.
"Again, the special participation of our AI Sportscasters are just part of the exciting plans we have for this season.
"Maia and Marco were introduced to complement, not replace, the human aspect of our coverage.
"With that, we look forward to the participation of our new courtside reporters as they bring a fresh perspective to the NCAA."
Read: GMA Network introduces AI-generated sportscasters Maia and Marco