(Trigger Warning: Suicide)
Sumulat, nagpaliwanag, at nag-apologize ang E.A.T. sa MTRCB dahil sa sinambit ni Joey de Leon, isa sa major hosts ng TV5 noontime show, noong September 23, 2023.
Pirmado ang sulat ni Jeny Ferre, E.A.T. Head of Creatives and Production Operations.
Natanggap ng Movie and Television Review and Classification Board ang sulat noong September 25.
Ipinaliwanag ng produksiyon ang kanilang panig sa naging viral na “lubid” joke ni Joey sa "Gimme 5" segment.
Ang "Gimme 5" ng E.A.T. ay may tatlong rounds.
Noong September 23, sa Round 1 ng segment ay kailangang magbigay ang isang contestant ng limang bagay na isinasabit sa leeg.
Makikitang nahihirapan ang contestant mag-isip ng isasagot at tanging "necklace" ang nabanggit nito hanggang sa tuluyang maubusan siya ng oras.
Matapos itong maubusan ng oras, sinabi ni Joey na maaaring isama sa listahan ang "lubid."
Eksaktong sambit ni Joey: "Lubid, lubid, nakakalimutan niyo."
Read: Netizens call out Joey de Leon for "lubid" joke on 'E.A.T.'; dare MTRCB to step in
Sabi sa sulat na ibinahagi ng @inquirerdotnet sa X at nakapangalan kay MTRCB Chairperson Diorella Maria “Lala” Sotto-Antonio:
“We are writing to formally explain an incident that occurred last September 23, 2023 during E.A.T.’s “Gimme 5” segment involving one of our host[s] Mr. Joey de Leon.
“During the said incident, Mr. Joey de Leon suggested “lubid” (rope) as an answer to a question regarding things that may be worn around the neck.
“He conveyed this verbally in a very brief manner without further actions, elaborations or demonstrations.”
Hindi man dinugtungan ni Joey ang pagbanggit sa lubid, binigyan ito ng interpretasyon ng ilang manonood na may kinalaman ito sa pagpapatiwakal, na isang napakasensitibong paksa lalo na sa free TV.
Matapos umalma ng netizens, humihingi ng paumanhin ang buong pamunuan ng E.A.T. sa lahat ng na-offend ni Joey.
Makakaasa raw ang ahensiya na katuwang nila ang E.A.T. sa pagpapalaganap sa mithiin nitong responsableng panonood.
Pagpapatuloy ng sulat ng E.A.T. sa MTRCB:
“However, some viewers interpreted the utterance of the said object as an insinuation of suicide, which is a very sensitive and triggering subject.
“In this regard, the whole EAT management is regretful and apologetic to those who were offended by the said utterance.
“Rest assured that we are one with MTRCB in advocating a responsible viewing experience for the public.”
Sa ngayon ay inaantabayanan pa rin ng publiko ang desisyon ng ahensiya ukol sa pangyayaring ito.
Ang MTRCB chairperson na si Lala Sotto ay anak ng isa pang major host ng programa na si dating Senator Tito Sotto.
Read: MTRCB, rerebyuhin ang mga reklamo tungkol sa "lubid" joke ni Joey de Leon sa 'E.A.T.'