Sa unang pagkakataon ay nagpaunlak ng panayam si Andres Muhlach sa ilang entertainment media sa wake ng yumaong veteran showbiz writer at dating talent manager na si Ethelwolda Ramos (na mas kilala sa showbiz bilang Manay Ethel) sa Funeraria Nacional sa Araneta Avenue, Quezon City.
Si Andres ay isa sa kambal na anak nina Aga Muhlach at Charlene Gonzales.
Dahil pumasok na rin sa showbiz ang kakambal ni Andres na si Atasha Muhlach, inaabangan na rin ang pagsunod niya sa kanyang kapatid at mga magulang.
Pahayag ni Andres, “E, siyempre iniisip ko pa, e. So, I’m weighing the possibilities and the options pa. So, that’s it. That’s all I can say.
Anong reaksyon niya nung malaman niya na papasok na rin sa entertainment industry si Atasha?
“Well, all I can say is that I’m very, very happy for her, you know,” tugon niya.
“I’ve known for a fact that she really wants to pursue this. That’s really her dream talaga.
“I’m just really happy for her and we’ll always support her. Yun lang.”
NEW “CRUSH NG BAYAN”
Marami na rin ang nagkakaroon ng interes kay Andres lalo na sa social media. Sa katunayan, si Andres ay binansagan na bilang bagong “crush ng bayan.”
Biglang napayuko si Andres at nag-blush nang sabihan nito.
“Well, I appreciate the love. Thank you. It’s a lot of love but, I don’t know. I got that from my Dad, I guess, and my mom too,” pag-amin niya.
Ano ang masasabi niya sa atensyon na binibigay sa kanya ng fans/netizens?
“It’s okay naman, like right now you see these daming cameras dito,” sabay tawa ni Andres.
“Well, I guess, ganoon talaga, di ba? I’m okay with it naman, yeah.”
ANDRES TREASURES HIS HUMBLE BEGINNINGS
Sa Mataas na Kahoy, Batangas tumira sina Andres at Atasha noong kabataan nila.
“Yeah, we really grew up in Batangas, probinsya, you know.
“We grew up being outdoors. There’s a lot outside, away from technology.
“I got my first cellphone end of grade nine, first year high school.
“So, I grew up playing sports, playing outside, you know. Biking, hiking, doing things like that. Ganun lang,” kuwento ni Andres.
Basketball ang favorite sport ni Andres. Halos araw-araw siyang naglalaro ng basketball.
Dream ba niya na maglaro ng basketball professionally?
“No, no, no,” natatawang sambit ni Andres. “I love basketball but I know reality, yeah. I’m not that good.”
Sa ngayon ay busy si Andres sa kanyang pag-aaral.
“Right now, I still have a year left with my studies and right now I’m still taking the rest of my studies online to finish the year. But I’ll do it here in Manila.”
Sa Spain nag-aaral ng kursong Business and Communications si Andres. May isang taon pa siya para maka-graduate.
May naiisip na ba siya na work after his studies?
“Ahh, I’m not sure yet,” ani ni Andres.
“We’ll see where it goes, you know. I got to graduate first. And then maybe I’ll know from there.”
ANDRES ENJOYS HIS INDEPENDENCE WHILE STUDYING IN SPAIN
Kumusta ang buhay niya bilang estudyante na namumuhay mag-isa sa Spain?
“Ang saya,” ngiti ni Andres.
“Super saya. That’s the best part talaga about being independent.”
Masaya dahil malayo siya sa kanyang mga magulang at nagagawa anuman ang nais niyang gawin?
“Not just that,” depensa ni Andres.
“Pero like being able to walk to school 30 minutes everyday going there and 30 minutes back. Doing my laundry.
“Yeah, I walk to school everyday.
"It takes 40 minutes to go to school and then 40 minutes to go back.”
Bakit siya naglalakad gayong maganda naman ang transport system sa Spain?
“Yeah, maganda din. But I really like to walk talaga,” diin niya.
Hindi kaya dahil tinitipid niya ang kanyang allowance?
“Uh-hmm,” parinig niya with matching sunud-sunod na tango.
May certain amount lang ba ang binibigay na allowance sa kanya ng parents niya?
“Yeah…but super-super baba lang ng allowance natin. So, I’ll have to make tipid talaga. Even if may transportation, I really walk.”
Kuripot din ba na tatay si Aga?
“Yeah,” birong seryoso ni Andres. “Saka groceries din. I really have to count it. Minsan din nga I don’t really have enough money to buy food or something.
“So, I’ll count my coins minsan to go to the grocery. Yeah, ganoon. But yeah, I love being independent.”
Ano naman ang binibili niya kapag may na-save siya mula sa kanyang allowance?
“Uhh, if I can, if I can save long enough, sapatos. Yan ang hilig ko. Pang-basketball, ganun. Yan ang hilig ko talaga.”
Bakit hindi na lang niya i-request sa daddy nya?
“Hindi siya papayag, e. You really have to save talaga.”
Halatang hindi lumaking mga spoiled na anak si Andres at Atasha. At maganda ang pagtuturo ni Aga sa kahalagahan ng pagtitipid kay Andres.
“No, no,” umiiling na reaksyon ni Andres.
“We understand that if we want something or an item, we really have to work talaga. It can’t just be given to you easily.”
Si Andres din daw mismo ang nagluluto ng sarili niyang pagkain sa Spain. At proud daw sya sa kanyang pagluluto ng chicken mechado.
Mahilig daw kasi siya sa manok.
“Adobo? No, no.
“I just usually eat chicken and rice everyday. Grilled chicken lang, very basic.”
ANDRES TRACES HIS ROOTS
Sa dami ng iba pang magagandang eskuwelahan sa ibang bansa, sa Spain niya napiling mag-aral dahil dito raw ang “roots” ng kanilang pamilya especially from his mother’s side, ang Bonnin clan.
“Yeah, my mother’s side, and my father’s side also, Spanish, yes. Also Bonnin.
“Bonnin talaga is from Spain. From Majorca, which is an island in Spain.”
Na-trace na ni Andres ang roots sa mom’s side niya. But hindi pa niya ito nagagawa para sa side ng kanyang ama, ang mga Muhlach.
Kahit nasa Spain si Andres, hindi pa raw niya napuntahan ang Majorca.
“I haven’t yet. But I have met some Bonnin family in Madrid.”
Inamin ni Andres na hindi siya ganoon ka-fluent magsalita ng Español kahit ilang taon na siyang tumira sa Spain.
“No, no. Uh, si. Pero un poquito, ‘no,” pa-sampol ni Andres ng kanyang Español.
ANDRES ON MEETING ANDREA BRILLANTES
Hindi itinanggi ni Andres ang sinabi ni Andrea Brillantes na nag-meet sila sa isa sa mga games ng FIBA kamakailan.
Natawa at tila nahiya si Andres nung kunin ang reaksyon niya sa pagbubulgar ni Andrea na crush siya nito.
“I really didn’t know thay. I actually met her hindi lang during the last FIBA game, yeah.
“She’s very nice and we just said hello. It was very brief and that’s it.”
ANDRES, NO GIRLFRIEND SINCE BIRTH?
Inamin din ni Andres na wala siyang crush among local female celebs at never pa rin nagkaroon ng girlfriend sa edad na 21.
Sa guwapo ni Andres, hindi madaling paniwalaan na never pa siyang nagkaroon ng girlfriend.
“I don’t know nga e,” lahad ni Andres.
Para sa kanya, alin ang mas kainig-ibig na babae, ang taga-probinsya o ‘yung nasa ibang bansa?
“Honestly, it doesn’t matter where they from. It depends more on their personality if I get to know them.”
Anong tipo ng babae ang gusto niya?
“Uhm, it depends. Someone that I really enjoy talk to, spend time with her and she makes me laugh, especially. Yun lang.”
What about yung personality ni Andrea, magugustuhan kaya niya?
“I don’t know her that well. I’ve only met her once. So, I can’t really say I know her or how she acts. But she’s very nice from the moment I’ve met her,” pagtatapos ni Andres.