(Trigger warning: Suicide)
Isang 17 anyos na Filipino-American ang tumalon mula sa 21st floor ng Mandarin Oriental Hotel sa New York City, gabi ng August 17, 2023.
Siya si Noah Legaspi.
Kinumpirma ito noong August 21 ng mismong pamilya ng biktima na naka-base na ngayon sa New Jersey.
Huli raw nilang nakita si Noah noong August 17, nang ihatid nila ito sa bahay ng kanyang ex-girlfriend.
Matapos noon ay hindi na siya nakauwi kaya ni-report nila itong “Missing.”
Kuwento sa New York Daily ng pamilya, tumawag si Noah sa kanyang ex-girlfriend via video-calling platform na FaceTime.
Ani Luis, nakatatandang kapatid ni Noah, ang mga hayag ni Noah sa kanyang ex-girlfriend ay, “Look at this pretty view” at “I love you.”
Agad naman tinawagan ng dalaga ang pamilya Legaspi upang ikuwento ang nangyari.
Nakatunog ang dalaga at ang pamilya sa posibleng gagawin ng binata, kaya sinimulan nila ang isang panawagan sa Facebook page sa pag-asang mahanap si Noah.
Read: Dalawang sanggol, magkahiwalay na inampon ng mag-asawa; nadiskubreng tunay na magkapatid
STRUGGLING WITH MENTAL HEALTH
Ayon sa 28-year-old brother na si Luis, may mental health issues ang kapatid niyang si Noah, who “battled his own demons and insecurities,” ulat sa New York Post.
“He always felt that he wasn’t deserving of love and attention and it really sucks because I don’t know where it came from."
Base sa imbestigasyon ng New York Police Department (NYPD), nahulog ang binata mula sa halos 228 meters o 750 feet na taas ng ika-21st floor hanggang sa glass awning ng luxury five-star hotel.
Naniniwala ang pamilya ni Noah na nahirapan itong i-handle ang breakup, pero hindi nila sinisisi ang ex-girlfriend, at sinabi nilang walang may gusto sa pangyayari.
Kaya’t nang magtanong ang ex-girlfriend sa mga kapatid ni Noah upang kumpirmahin ang sinapit ng binata ay personal nila itong pinuntahan at kinausap.
Kuwento pa ni Luis sa New York Post, “I don’t want her to have the impression that we’re upset and we’re blaming her.
“Both me and my sister comforted her, told her it was nobody’s fault. Don’t feel guilty.”
Sinabihan din umano nila ito na huwag mag-atubiling lumapit sa kanila sakaling kailangan nito ng makakausap.
Read: Pet owner apologizes for cat stealing expensive bikinis, undergarments in neighborhood
THE FAMILY IN MOURNING
Halos isang buwan matapos ang malagim na pangyayari, puno ng pasasalamat ang pamilya ni Noah para sa lahat ng nakiramay at nagpakita ng pagmamahal sa panahon ng kanilang pagdadalamhati.
Kalaunan, naging Remembering Noah ang pangalan ng Facebook page, kung saan nila inanunsiyo na "missing" ang binata.
Dito na rin nag-post ang pamilya ng updates.
Heto ang latest post sa Remembering Noah Facebook page (published as is):
“Words can’t describe how we feel. All the love, support, generosity, and kindness we experienced during our mourning has been overwhelming.
“We can’t thank you all enough. Noah will be remembered forever and with time we will all heal. Thank you.”
Si Noah ay isang olleyball player at bass guitarist. Ang pangarap sana niya ay maging fashion designer.
Ang depresyon ay seryosong usapin.
May mga organisasyong handang tumulong sa mga taong dumaraan sa ganitong kondisyon.
Katulad na lamang ng National Center for Mental Health na inilunsad ng Department of Health.
Maaari silang tawagan sa mga sumusunod na 24/7 hotline:
0917 899 8727 (USAP); at 989 8727 (USAP)