Sharon Cuneta, may paborito ba sa mga anak?

by Rommel R. Llanes Video: Bernie V. Franco

Published Sep 16, 2023

Sa presscon ng Dear Heart concert nila ng dating asawang si Gabby Concepcion, sinagot ni Sharon Cuneta ang isyu tungkol sa kanilang dalawa ng anak na si KC Concepcion.

Matatandaang naging mainit sa mga usap-usapan ng fans at showbiz observers ang tila hindi pagkakaintindihan sa pagitan ni Sharon at KC.

Ngunit noong September 14, 2023, nag-post si Sharon sa kanyang social media na nagpo-promote ng upcoming movie ng kanyang panganay.

Nag-iwan ng mensahe si KC sa post na: "Like I always tell you mama, tho I’m not perfect, everything I do is for you."

Para sa maraming fans ni Sharon, isa itong touching moment sa pagitan ng mag-ina na pilit na pinag-aaway ng ilang intrigerang netizens.

Sa simula ng pagsagot ni Sharon, nagsalita muna siya laban sa paratang ng mga nang-iintriga sa kanya na ang paboritong anak daw ng Megastar ay ang panganay na babae niya sa asawang si Kiko Pangilinan na si Frankie o Kakie.

Panoorin ang pagsagot ni Sharon sa isyu.

HOT STORIES